Matius 22:46 - Taaz Weru Witu u Nunuwu'en Tombulu

⁴⁶ Zéi'kan siapa zozo' in esa si makawawa i mingkot um peligauen ni Yesus itii. Rengané in toro niitu, zéi'mo siapa zozo' in esa si wuaya i lumigau wia ni Sia.

Matius 22:46 ပူးပေါင်းရင်းမြစ်များ

Matius 21:27

Ang kuan néra wia si Yesus, “Zéi'kan kata'uan nai.” Si Yesus kasii éng kimuala wia ni séra, “Sa téntu, ni Aku kangkasii én zéi'kan kumua wia ni kamu séi si niméhémé ung kawasa wia ni Aku i mahwangun péléng niana.”

Matius 22:45

Niitumo, sa si Daud mahkua si Mesias in ‘Tuang’, kura kahuman ni Sia kangkasii é suzuna?”

Markus 12:34

Si Yesus i nimilekla si tou itii nimingkoté én totoz timoro, ang kuan-Na, “Zéi'mo uré ni ko é maéndomo tou witi Kakolanoan ni Opo Empung.” Tumondong niitu, zéi'mo siapa zozo' in esa si wuaya i lumigau wia si Yesus.

Lukas 13:17

I si Yesus kimuama téntu, péléng sé tou mahsaru si Yesus é nimaizang taan sé tou lakez é mahpaa-paaz pahpaan am winangun ni Yesus én totoz wangko'.

Lukas 14:4

Taan ni séra péléng é makapenes uman. An tionala ni Yesus u lengen ni tou saki itii, lé'osen-Nama a sia pekiwuri-Nama.

Lukas 14:6

Zéi'kan siapa si makawawa i mingkot a méikua-Namé.

Lukas 20:40

Rengané in toro niitu ni séra é maindé'mo i mahliligau wia si Yesus.

Kisah Rasul-rasul 4:14

Taan ni séra én zéi'kan mata'u kumua ing kura, pahpaan nimilekla si tou lailai woan itii é rimendaio witu u rété né aatu zua itii.

Kisah Rasul-rasul 7:32

‘Ni Akumo si Opo Empung pa'émanen né nimaopomu, si Opo Empung pa'émanen ni Abraham, ni Ishak wo ni Yakub.’ In timalingamé u nuwu' itii, si Musa é mahgerger wo maindé'mo i milek witu.