Matius 22:31 - Taaz Weru Witu u Nunuwu'en Tombulu

³¹ Taan tumoro sé nimaté in itou sumaup ni Opo Empung, zéi'kankuaa binaca niouola u méikua-Na in téntii,

Matius 22:31 ပူးပေါင်းရင်းမြစ်များ

Matius 12:3

Taan kuan-Na wia ni séra, “Zéi'kampé' binaca nioula wé u liné'os ni Daud, i ni sia wo sé mahkii-kiit ni sia i maharemo?

Matius 12:7

Witu um Pinantik Lenas, si Opo Empung éng kimua in téntii, ‘Zéi'kan a raragés ang kapaaz-Ku, taan u raraatéan.’ Sa uli-ulit katulapan niou u méipantik itii, tantumo ni kamu én zéi'kan mukum sé tou zéi'kan simala'.

Matius 21:16

Ang kuan néra wia si Yesus, “Pahtalinga-Numa an ipahkérét né koki' kenuma?” Ang kuan ni Yesus wia ni séra, “Éné, pahtalingang-Kumé. Zéi'kampé' pinahbaca-baca nioula wé u méipantik witu um Pinantik Lenas in téntii, ‘Wana a sumah né tou taré matoumé wo sé koki' menusupé' ni Ko én timuzu'moma a lolooz.’ ”

Matius 21:42

Kuan ni Yesus wia ni séra, “Zéi'kampé' pinahbaca-baca nioula wé u méipantik witu um Pinantik Lenas, ‘Um watu méitia' né memamangun am walé é nimaéndomola watu to'tolan. Si Opo Empung si nimangun niitu wo ni kita sé nimilek um winangun-Na itii é mengusi-ngusingsing.’

Matius 22:30

Pahpaan witu un endo sé tou itoumé sumaup ni Opo Empung, ni séra én zéi'kan mahkawéng wo pahkawéng, taan ni séra péléng é menou-nou tanu sé malaekat witi kasendukan.

Matius 22:32

‘Ni Akumo si Opo Empung ni Abraham, Opo Empung ni Ishak wo Opo Empung ni Yakub?’ Si Opo Empung én zéi'kan Opo Empung né tou nimatémo taan Opo Empung né tou menou-nou.”

Matius 9:13

Niitumo, mangémo wo pahtata'ula ung kalakoan u Nuwu' witu um Pinantik Lenas kenu, ‘Zéi'kan a raragés ang kapaaz-Ku, taan u raraatéan.’ Pahpaan ni Aku i niméyé én zéi'kan métumawah sé tou ulit, taan métumawah sé tou mahsingkéla'.”