Matius 22:30 - Taaz Weru Witu u Nunuwu'en Tombulu

³⁰ Pahpaan witu un endo sé tou itoumé sumaup ni Opo Empung, ni séra én zéi'kan mahkawéng wo pahkawéng, taan ni séra péléng é menou-nou tanu sé malaekat witi kasendukan.

Matius 22:30 ပူးပေါင်းရင်းမြစ်များ

Matius 13:43

In toro niitumo, sé tou niéndo ulit ni Opo Empung é sumena' tanu si endo witi Kakolanoan ni Ama' néra. Séi si wéwéhan lunteng é mahtalingama lé'os!”

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Matius 22:31

Taan tumoro sé nimaté in itou sumaup ni Opo Empung, zéi'kankuaa binaca niouola u méikua-Na in téntii,

Matius 24:38

Kuramo séra i mahkan wo mahelep, mahkawéng wo pakawéngen, puunala un ampuhan i niméyé makaz witu un endo si Nuh i nimuntep witu u londéi tua'na,

Lukas 17:27

Ni séra é mahkan wo mahelep, kumawéng wo ikawéng, makaz un oras si Nuh i muntep witu u londéi tua'na, a méyé un ampuhan u nimangun séra péléng nimaté.

Wahyu 19:10

A ni aku kumuruzla witu u sinaru un a'é ni malaekat itii i mongkot wo sumigi' ni sia, taan kuana wia ni aku, “Tia'mo mahasar téntu! Ni aku én ata, masuat wo ni ko karia né katuarimu esa pa'émanen sé mahkua a niilek wo an tinalinga néra tumoro si Yesus. Pahongkotala wo pahsigi'ela si Opo Empung! Pahpaan sé tou mahkua a niilek wo an tinalinga néra tumoro si Yesus ém wéwéhan roh i mahkua a méikuamé ni Opo Empung.”