Matius 22:29 - Taaz Weru Witu u Nunuwu'en Tombulu

²⁹ A si Yesus mingkotla wia ni séra, “Ni kamu é mahsala', pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung!

Matius 22:29 ပူးပေါင်းရင်းမြစ်များ

Matius 22:28

In tarékan, si wisa im wia sé pitu mahtuari itii si maéndo mahayo ni wéwéné itii witu un endo sé tou itoumé sumaup ni Opo Empung? Pahpaan péléng ni séra éng kimawénga si wéwéné itii.”

Markus 12:24

A si Yesus mingkotla wia ni séra, “Ni kamu é mahsala'. Pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung.

Lukas 1:37

Pahpaan im wia si Opo Empung én zéi'kan siapa an zéi'kan mamuali.”

Yohanes 20:9

Pahpaan makazla in toro niitu ni séra én zéi'kampé' makatulap u méipantik witu um Pinantik Lenas i ni Sia é léwo'zéi' in itou sumaup ni Opo Empung im wia sé nimaté.

Kisah Rasul-rasul 26:8

Kaa pahgenangen nioula in zéi'kan mamuali si Opo Empung in tumou sumaup sé tou nimatémo?

Roma 15:4

Péléng a mémoipantik witu um Pinantik Lenas ém pinantik in tumuzu' ni kita. Pahpaan an tutuzu' kinailekanta witu um Pinantik Lenas, nimangun ni kita in ezen wo enté' un até wo kita wéwéhan um pahéré'an wia si Opo Empung.

1 Korintus 15:34

Niitumo in tarékan, pakagena-genangela lé'os wo tia' kamu memangu-mangunpé' a singkéla'. Pahpaan im wia ni kamu ém wéwéhampé' sé zéi'kan mata'u si Opo Empung. Niitu én ikuakuma wia ni kamu wo kamu maizang.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.