Matius 22:16 - Taaz Weru Witu u Nunuwu'en Tombulu

¹⁶ An iatu nérama sé woopira pahtuzu'en néra wo sé woopira tou mahkii-kiit si kolano Herodes mangé wia si Yesus i lumigau, “Méster, kata'uan nai, ni Ko én zéi'kan mahtowo wo ulit i mahtuzu' u lalan ni Opo Empung. Wo zéi'kan siapa sé ikaindé'-Mu pahpaan ni Ko zéi'kan mahsanaweka.

Matius 22:16 ပူးပေါင်းရင်းမြစ်များ

Matius 22:24

“Méster, si Musa éng kimua sa si tou matéma zéi'kan siapa koki', si tuarina é léwo'zéi' ing kumawéng si wéwéné mahayona itii, wo si tou nimatémoma itii toro makailek suzu.

Matius 22:26

Téntu kangkasii u nimamuali wia si kazua, si katelu makaz wia si kapitu.

Matius 26:18

A mingkotla si Yesus, “Mangémo witi wanua tua'na wia si tou wo ikuala wia ni sia in téntii, ‘Kuan ni Méster: Un oras-Ku én zéi'mo uré, witu un untep um walémumo ung kanenang-Ku karia né pahtuzu'eng-Ku i lumé'os um Paskah.’ ”

Matius 26:49

I ni séra nimawitumola, a si Yudas rengan nimangé wia si Yesus ang kumua, “U sigi'ku Méster!” A Sia siomennama.

Markus 10:17

I si Yesus mahlampango, a méyé si tou mengara'mé i mémahilekan karia-Na, wo karia ing kimuruzla witu u saru-sarun-Na, si tou itii é meligau, “Méster lé'os, apa u léwo'zéi' wangunengku i makailek ung katou-touan makaz ing kauré-uré?”

Markus 12:13

A sé woopira tou im wia sé sana réwok tou Farisi wo sé tou Yahudi sé mahkii-kiit si kolano Herodes méiatuma mangé wia si Yesus i mahwewetes ni Sia karia u liligau.

Markus 12:14

Ni séra é niméyé wia ni Sia ang kumua, “Méster, kata'uan nai, ni Ko én zéi'kan mahtowo wo zéi'kan siapa sé ikaindé'-Mu, pahpaan ni Ko én zéi'kan mahsanaweka wo ulit i mahtuzu' u lalan ni Opo Empung. Mengiit an tinotoz witu um pa'émanenta, toro wé i maér am pajak wia si Kaisar kaapa zéi'kan? Apa ni kai é léwo'zéi' i maér am pajak kaapa zéi'kan?”

Markus 3:6

Sé tou im wia sé sana réwok tou Farisi mondolé im witu, a séra rengan i mahesaala karia né mahkii-kiit si kolano Herodes i mahwuwunu' si Yesus.

Markus 8:15

A si Yesus mapagenangla wia ni séra, “Ni kamu én totoz in tuméga-tégam wo mile-ilek im wana a ragi né sana réwok tou Farisi wo ni kolano Herodes.”

Lukas 20:21

Ni séra meligau wia ni Sia in téntii, “Méster, kata'uan nai a méikua wo méituzu'-Mu én ulit wo ni Ko én zéi'kan mahsanaweka wo ulit i mahtuzu' u lalan ni Opo Empung.

Lukas 7:40

Taan kuan ni Yesus wia si Simon, “Simon, wéwéhan un ipahkukuaku wia ni ko.” A mingkoté si Simon, “Méster, ikuamomé.”

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 7:18

Si tou si mahnuwu' karia ung genangna in esa, ni sia é menéro uman u sisigi'an witu un touna in esa, taan si tou mahpenéro u sigi' wia si Opo Empung si nimatumé ni sia, ni sia én ulit wo im wia ni sia én zéi'kan siapa an towo.

2 Korintus 2:17

Ni kai én zéi'kan mahwangun tanu sé tou lakez walina, pahpaan ni séra i mahwoka' u Nuwu' ni Opo Empung én tanu mahwangkér i menéro uman ang kawa'ilanan néra. Taan ni kai i mahkiit si Kristus én uli-ulit mahwoka' uman u Nuwu' ni Opo Empung wia sé tou, witu u sinaru-Na wo mahkiit uman a méiperénta-Na.

2 Korintus 4:2

Taan ni kai i mahpaayang én zéi'kan mahwuni-wuni ang kaizangnokané. Ni kai kasii én zéi'kan mahtowo wia sé tou wo zéi'kan mahtuzu' an zéi'kan ulit tumoro u Nuwu' ni Opo Empung. Taan, ni kai mahtuzu' an ulit ing kumiit am paaz ni Opo Empung. Karia in téntu, péléng sé toumokan sé mahtata'ula mengiit ung genang lé'os niou witu u sinaru ni Opo Empung, sa an ipahtuzu' nai ulit kaapa zéi'kan.

2 Korintus 5:16

Niitumo, ni kai én zéi'kan mahukur si tou tanu um pakahukur in tou uman, sé lumelo uman am wia ung kaayahan, zozo' im puuna ni kai i mahukur si Kristus én tanu um pakahukur in tou.

Galatia 1:10

Niitumo in tarékan, apa sé tou wé sé wangunengku i mahpaa-paaz kaapa si Opo Empung? Kaapa, apa um pahpenérongku é mangun sé tou mahpaa-paaz? Sa ni aku mahtututu'pé' i mangun uman sé tou mahpaa-paaz, ni aku én zéi'mo ata ni Kristus.

Galatia 2:6

Tumoro sé tonaas sé pahsigi-sigi'en né jamaat witi Yerusalem, (wia ni aku, azi niitu apa um pahpaayangen néra, tonaas kaapa sé tou uman im puuna é masuat uman, pahpaan si Opo Empung kangkasii én zéi'kan meméléng tou). Ni séra én zéi'kan nimatu ni aku i mawesla apa uman witu um pahtuzu'ku wia sé tou u Nuwu' Lé'os tumoro si Yesus.

1 Tesalonika 2:4

Taan si Opo Empung niméhé um paayangen wia ni kai i mahwoka' u Nuwu' Lé'os tumoro si Yesus, pahpaan pahgenangen-Nala i ni kai ém wangun i maayang niitu. Niitumo ni kai i mahnuwu'ma én zéi'kan i mangun un até né tou mahpaa-paaz, taan i mangun un até ni Opo Empung mahpaa-paaz. Ni Sia si mahtata'u un até nai.

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.