Matius 21:32 - Taaz Weru Witu u Nunuwu'en Tombulu

³² Pahpaan si Yohanes Menanarani i niméyé é métimuzu' ung katou-touan ulit witu u sinaru ni Opo Empung, taan ni sia én zéi'kan pa'émanen niou. Taan sé menanagi am pajak wo sé wéwéné sangaya é ma'éman si Yohanes. Zozo' kamu nimilekola péléng niitu, taan ni kamu zéi'kan mene'sel wo zéi'kan ma'éman wia ni sia.”

Matius 21:32 ပူးပေါင်းရင်းမြစ်များ

Matius 11:18

Pahpaan si Yohanes i niméyé, ni sia zéi'kan mahkan wo zéi'kan mahelep wo ni sia ém pahkuan néra i sinelazan ni sétang.

Matius 21:25

Wisa a méyé ung kawasa ni Yohanes i mahsarani sé tou? Wia si Opo Empung kaapa wia si tou a méyé?” Ni séra mahliligauan karia i mahkua, “Sa wingkotentama, ‘Wia si Opo Empung a méyé,’ ni Sia éng kumua wia ni kita, ‘Sa téntu, kaa kamu zéi'kan ma'éman ni sia?’

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

Matius 5:46

Sa kamu rumaraaté uman sé tou rumaraaté ni kamu, apa u méikaawesé wia ni kamu? Pahpaan maan sé menanagi am pajak kangkasii é mahwangun an téntu.

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

Ibrani 3:12

Niitumo katuari-katuari, mile-ilek én taa im wia ni kamu ém wéwéhan zozo' in esa si makaaté u léwo'an wo soo ma'éman taka-takazan nimangun ni sia kimana' i mahtali-talinga wia si Opo Empung si menou-nou.

2 Petrus 2:21

Niitumo, tawimo ni séra én zéi'kan nimata'uma an tutuzu' kaulitan ni Opo Empung, taan ung kinata'uan nérakala an tutuzu' itii taan ing kamurian ni séra én timula'ukala am perénta ni Opo Empung a méipahtuzu'mo wia ni séra.

Wahyu 2:21

Si wéwéné itii ém winéhang-Kumoma oras in tumula'u am pahwangunenna itii, taan ni sia é soo tumula'u am pahwangunenna im wana ang kasamekanna itii.