Matius 21:28 - Taaz Weru Witu u Nunuwu'en Tombulu

²⁸ “In tarékan, kura sa ikiit ni kamu un aandéan kenu: wéwéhan si ama' makaoki' sé tuama zua. I sana endo, sia nimangé wia si oki'na tu'a ang kumua in téntii, ‘Oki'ku, in endo kenu mangémo wo mapé' mendumé witi uma tinanemangku an anggor.’

Matius 21:28 ပူးပေါင်းရင်းမြစ်များ

Matius 17:25

A mingkotla si Petrus wia ni séra, “Éné ya, ni Sia é mahwaér pajak.” I si Petrus nimuntepa witu um walé, am puunaané ni Yesus i meligau wia ni sia, “Petrus sa ikiit ni ko séi si léwo'zéi' i mahwaér pajak wia sé kolano wia ung kaayahan kenu, sé tou néra kaapa sé tou limepuh umané?”

Matius 20:1

Ang kuan ni Yesus, “Ung Kakolanoan ni Opo Empung én tanu si tou makauma tinaneman anggor, si woondopé' karengan nimondoloma mamenéro tou i mamendu un umana.

Matius 21:27

Ang kuan néra wia si Yesus, “Zéi'kan kata'uan nai.” Si Yesus kasii éng kimuala wia ni séra, “Sa téntu, ni Aku kangkasii én zéi'kan kumua wia ni kamu séi si niméhémé ung kawasa wia ni Aku i mahwangun péléng niana.”

Matius 21:29

Si oki' itii nimingkotla, ‘Ni aku é soo.’ Taan si oki' itii nimakagena-genangkala a sia mangé witi uma tinaneman an anggor itii.

Matius 21:33

“Talingana un aandéan walina kenu. Wéwéhan si makauma nimukama un uma an tanemannama anggor a réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma itii. An ipekiwendunama un umana itii wia sé mememendu, a sia suméngkota.

Matius 22:17

Sa ikiit si Méster, toro wé i maér am pajak wia si Kaisar kaapa zéi'kan?”

Markus 13:34

Niitu é masuat wo si tou timula'u um waléna pahpaan i suméngkot witi zou'. Puunala sia i mangé, um paayangenna é méizéhonama wia sé atana i mahimek um waléna wo timuzu'la um paayangen wia si esa wo si esa. Ni sia kangkasii é nimeréntama sé mahtéiz um pepenet in tuméga-tégamla.

Lukas 13:4

Kaapa pahgenangen nioula sé mapulu' wo walu tou, sé nimaté ing kinaempisan u menara witi rété u Siloam, a singkéla' nérapé' u lakez taan a singkéla' péléng né tou sé mahento' witi Yerusalem?

1 Korintus 10:15

Ni aku é mahnuwu' wia ni kamu tanu i mahnuwu' wia sé tou tulap. Niitumo, pahwéhanla genang a méikuakuma!

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.