Matius 20:26 - Taaz Weru Witu u Nunuwu'en Tombulu

²⁶ Taan ni kamu én zéi'kan tanu ni séra! Séi si paaz i maéndo tou pahsigi'en im wia ni kamu, ni sia é léwo'zéi' i maéndo menenelewir im wia ni kamu.

Matius 20:26 ပူးပေါင်းရင်းမြစ်များ

Matius 20:27

Wo séi uman si paaz maéndo kataré im wia ni kamu, ni sia é léwo'zéi' i maéndo ata im wia ni kamu.

Matius 25:44

Ni séra é mingkot wia ni Sia, ‘Mahpiara, ing kawisa ni kai nimilek ni Ko i maharem, kaapa i maré'o, kaapa in tou limepuh umané, kaapa zéi'kan kimarai, kaapa saki, kaapa witi bui wo ni kai zéi'kan timulung ni Ko?’

Matius 27:55

Im witu kangkasii é lakez sé wéwéné mengile-ngileké witi zou'ma. Ni séra é sé wéwéné nimahkiité si Yesus rengané im witi Galilea i mahselewir ni Sia.

Markus 10:43

Taan ni kamu én zéi'kan tanu ni séra! Séi si paaz i maéndo tou pahsigi'en im wia ni kamu, ni sia é léwo'zéi' i maéndo menenelewir im wia ni kamu.

Markus 10:45

Pahpaan si Oki' ni Tou i niméyé én zéi'kan i selewiren, taan ni Sia i niméyé é mésumelewir wo i mayo ung katou-touan-Na in tumubus a singkéla' né tou lakez.”

Markus 9:35

A si Yesus rumumezla an tumawahmé sé mapulu' wo zua pahtuzu'en-Na. Kuan-Na wia ni séra, “Sa si tou paaz maéndo kataré-taré, ni sia é léwo'zéi' i maéndo totoz kamurian im wana am péléng wo maéndo mahsawa-sawang péléng né tou.”

Lukas 18:14

Ikua-Kuma wia ni kamu, si menanagi am pajak kenu i mawurima witi waléna é niéndo ulit ni Opo Empung, taan si tou Farisi itii én zéi'kan. Pahpaan, séi uman si mahlooz un touna, ni sia én iroros ni Opo Empung wo séi uman si meroros un touna, ni sia é loozen ni Opo Empung.”

Lukas 22:26

Taan ni kamu én zéi'kan toro mahwangun un tanu niitu. Séi si totoz wangko' im wia ni kamu é maéndomola tanu si totoz kori' wo si tonaas é maéndomola tanu si menenelewir.

Yohanes 18:36

Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

Kisah Rasul-rasul 13:5

I méikaayomola witi Salamis, ni séra zua é mahwoka' u Nuwu' ni Opo Empung wana am walé peraragésan né tou Yahudi. In toro niitu si Yohanes é méipahwali néramé i sumawang ni séra.

2 Korintus 1:24

Ni kai é mahkua an téntu wia ni kamu, zéi'kan i merénta ni kamu tumoro u léwo'zéi' im pa'émanen niou, pahpaan um pa'émanen niou wia si Kristus én enté'mo. Taan kapaaz nai, ni kita én toro maayang mahwali-wali, wo ni kamu toro mahpaa-paaz.

2 Timutius 1:18

Ni kopé' si totoz mata'u taan ni aku, ung kalakez um pinaayangna im witi Efesus. Mengalé-ngaléi uman si Mahpiara é rumaraatémé ni sia im witu un endo si Opo Empung métumotoz ulit kaapa zéi'kan um pahwangunen né tou.

Filemon 1:13

Un ulitna kapaazku ni sia é mahwia-wia sumawel ni ko, i sumawang ni aku im wiapé' um bui pahpaan mahwoka' u Nuwu' Lé'os tumoro si Yesus wia sé tou.

Ibrani 1:14

Sa téntu, séi ndéén sé malaekat kenu wé? Ni séra é roh sé mahsawang si Opo Empung. Ni séra méiatu ni Opo Empung i mésumawang sé tou ma'éman sé méipilot im witu un ukuman wana a singkéla'.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.

1 Petrus 5:3

Tia' wo ni kamu mahpeperénta uman wia sé tou ma'éman sé méitarawésama ni Opo Empung wia ni kamu, taan ni kamu é maéndola kékéréan wangun wia ni séra.

Wahyu 17:6

Ilekengkuma si wéwéné itii én teweleno pahpaan nimelep an zaha' né tou ni Opo Empung wo an zaha' né tou sé mahkua a niilek wo tinalinga néra tumoro si Yesus. Ni aku i nimileka si wéwéné itii én totoz mengusi-ngusingsing.