Matius 20:24 - Taaz Weru Witu u Nunuwu'en Tombulu

²⁴ In timalingamé niitu, sé mapulu' pahtuzu'en-Na walina, maupi' wia sé zua mahtuari itii.

Matius 20:24 ပူးပေါင်းရင်းမြစ်များ

Matius 20:23

Ang kuan ni Yesus wia ni séra, “Totoz ulit, ni kamu é mamendan an zézéha un tanumokan i melep witu un eelepan u léwo'zéi' in elepeng-Ku. Taan tumoro séi sé marumumez witu ung kakan kaapa witu ung kawihi-Ku, ni Aku én zéi'kan siapa kawasa in tumotoz niitu. U rurumezan itii é maiwéhé ni Ama'-Ku wia sé tinotoz-Namo i makailek niitu.”

Matius 20:25

Taan si Yesus tumawahmé ni séra, ang kumua, “Kata'uan niou sé tonaas né tahsasana wanua sé zéi'kan mata'u si Opo Empung é mahzézéha sé tou néra. Wo sé pahsigi-sigi'en witu é mahwangun kiit um paaz néra wia sé tou néra.

Markus 10:14

Kaiileka niitu, si Yesus é maupi' ang kumua wia ni séra, “Iwayamola sé koki' itii i méyé wia ni Aku, tia' pahséro'en niou séra. Pahpaan sé tou tanu sé koki' kenumo sé makaanu ung Kakolanoan ni Opo Empung.

Markus 10:41

In timalingamé niitu, sé mapulu' pahtuzu'en ni Yesus é maupi' wia si Yakobus wo si Yohanes.

Lukas 13:14

Taan si tonaas um walé peraragésan né tou Yahudi é maupi' pahpaan si tou saki é liné'os ni Yesus in endo Sabat, ang kuana wia sé tou, “Enemna endo ni kita toro mahpaayang. Niitumo, sa paaz lé'osen é méyé witu un endo toro maayang. Tia' mahéyé witu un endo Sabat.”

1 Korintus 13:4

Si tou rumaraaté sé tou walina én téntii: ni sia én ezen, ni sia é lé'os uman, ni sia én zéi'kan téutéu, ni sia én zéi'kan mahlooz un touna wo zéi'kan loozan.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

Yakobus 3:14

Taan sa kamu téutéu wo akaz uman mahgenang un tou niou in esa, tia' kamu mahwera-wera' un tou niou, wo tia' mahtowo i mahsaru ang kaulitan.

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”