Matius 20:22 - Taaz Weru Witu u Nunuwu'en Tombulu

²² Taan kuan ni Yesus, “Um pahaléien niou én zéi'kan kata'uan niou. Makawawa wé kamu i mendan an zézéha pendaneng-Ku un tanumokan i melep witu un eelepan u léwo'zéi' in elepeng-Ku?” A séra mingkotla, “Ni kai é makawawa.”

Matius 20:22 ပူးပေါင်းရင်းမြစ်များ

Matius 26:35

Taan kuan ni Petrus wia ni Sia, “Zozo' ni aku léwo'zéi' i maté karia-Mu, ni aku én zéi'kan kumélong ni Ko.” Péléng sé pahtuzu'en ni Yesus walina kasii éng kimuala in téntu.

Matius 26:39

A Sia lumampanga oki', kumuruzla karia in timuktuk a mengaléi, “O Ama'-Ku, sa tanu an toro, izou-zou' im wia ni Aku an zézéha kenu, taan ikiitola um paaz ni Ama', zéi'kan mengiit um paaz-Ku.”

Matius 26:42

A Sia mamengaléi ing kazua. Kuan-Na, “O Ama'-Ku, sa an zézéha kenu zéi'kan mamuali in izou'ma wia ni Aku, taan léwo'zéi' im pengaling-Ku, mamualimola mengiit ung kapaaz-Mu.”

Matius 26:56

Taan péléng niia é léwo'zéi' mamuali wo malekep a méipantik né nabi witu um Pinantik Lenas.” Am péléng sé pahtuzu'en ni Yesus tumula'uma ni Sia an tumingkasa.

Markus 14:36

Kuan-Na, “O Abba, o Ama'-Ku. Kata'uang-Ku, péléng am péléng én toro wangunen ni Ama'. Éndonoma an zézéha kenu im wia ni Aku. Taan tia'mo ikiit um paaz-Ku, taan ikiit umanla um paaz ni Ama'.”

Lukas 12:50

Wéwéhampé' an zézéha totoz wutez a mapengaling-Ku. Un até-Ku én totoz zézéha sa niitu zéi'kampé' nimamualima.

Lukas 22:42

“Ama' sa tanu an toro, éndonoma am pengaling-Ku kenu im wia ni Aku; taan tia'mo ikiit um paaz-Ku taan ikiitola tanu um paaz-Mu.” [

Yohanes 18:11

Kuan ni Yesus wia si Petrus, “Iuma'la um pisoumu itii, apa pahgenangenula ni Aku én tumingkas im wana an zézéha tinotozo ni Ama'-ku im pendaneng-Ku?”

Roma 8:26

Téntu kangkasii, si Roh Lenas é sumawang ni kita sa kita zéi'kan enté'. Pahpaan, zéi'kan kata'uanta kura un ulitna i mengaléi; taan si Roh Lenas in esa si nimengaléila am pema'o-ma'os an zéi'mo kakuaan.

Yakobus 4:3

Kaapa ni kamu é nimengaléitaréla, taan zéi'kan siapa ang kinailekan nioula, pahpaan am pahaléien niou i mengaléi é simala'. Am pahaléien niou é mahwuwutul uman a lelo léwo' un awak niou.