Matius 20:20 - Taaz Weru Witu u Nunuwu'en Tombulu

²⁰ A méyé wia si Yesus si mahayo ni Zebedeus karia né oki'na zua. A sia kumuruzla witu u sinaru ni Yesus im wéwéhan um pahaléien.

Matius 20:20 ပူးပေါင်းရင်းမြစ်များ

Matius 10:2

A ngaran né mapulu' wo zua pahtuzu'en-Na itii é: Si kataré é si Simon si pahkuan kangkasii im Petrus wo si Andreas katuarina, si Yakobus wo si Yohanes sé oki' ni Zebedeus,

Matius 14:33

Sé tou witu u londéi é mahongkot wo mahsigi' si Yesus, kuan néra, “Ni Ko én uli-ulit Oki' ni Opo Empung.”

Matius 15:25

Taan si wéwéné itii é rimétéla si Yesus ang kumuruzla wo mahsigi' wia ni Sia kuana, “Tuang, tulungen ndootuumé ni aku.”

Matius 2:11

A séra muntepla witu um walé, a milekla si Koki' itii karia si Maria si ina'-Na, a séra kumuruzla i mongkot wo mahsigi' ni Sia. Wukan nérala am pelélé'osan néra, an éndon néramé u mas, ung kamania wo u mur an iwéhé nérala wia ni Sia.

Matius 27:56

Im wia ni séra ém wéwéhan si Maria tou Magdala, si Maria ina' ni Yakobus wo ni Yusuf wo si ina' né oki' ni Zebedeus.

Matius 28:17

I ni Sia niilek nérala, a séra kumuruzla ung gio makaz witu un tana' witu u sinaru-Na, taan sé woopira im wia ni séra é mahzua-zua genang.

Matius 4:21

Karegas si Yesus i mahlampang, an ileken-Na kasiima sé zua mahtuari walina, ni séra é si Yakobus wo si Yohanes, ni séra zua én oki' ni Zebedeus. Ni séra zua wo si ama' néra ém witu u londéi i mahimek u lolombo'. A sé zua itii tawahené ni Yesus,

Matius 8:2

A méyé wia ni Sia si tou tinoro ung kusta. Si tou itii kimuruzla witu u sinaru-Na ang kumua, “Tuang, sa si Tuang paaz, si Tuang én toro lumé'osé ni aku.”

Markus 15:40

Im witu kangkasii ém wéwéhan sé woopira wéwéné sé mengile-ngileké witi zou'ma. Im wia ni séra é si Salome, si Maria tou Magdala wo si Maria ina' ni Yakobus si Tarétumou wo ni Yoses.