Matius 20:19 - Taaz Weru Witu u Nunuwu'en Tombulu

¹⁹ Ni Sia én iayo néra wia sé tou zéi'kan Yahudi i séro'an néra, saluken wo salipen, taan witu un endo katelu ni Sia én itou sumaup ni Opo Empung.”

Matius 20:19 ပူးပေါင်းရင်းမြစ်များ

Matius 12:40

Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'.

Matius 16:21

Rengan in toro niitu, pahpakaulito ni Yesus wia sé pahtuzu'en-Na, i ni Sia é léwo'zéi' i mangé witi Yerusalem. Im wana ni Sia é mazéhan né pahtutu'an né tou Yahudi, né tonaas né walian wo né tou tulap un Torat. Ni Sia ém wunu'en, taan witu un endo katelu ni Sia én itou sumaup ni Opo Empung.

Matius 17:23

Ni Sia ém wunu'en néra, taan witu un endo katelu, ni Sia én itou sumaup ni Opo Empung.” In tinalinga nérala u méikua ni Yesus, un até néra én totoz rumara.

Matius 27:26

A si Pilatus milota si Barabas wia ni séra, taan si Yesus é méipekisaboknama an iayonala i masalipen.

Matius 27:63

ang kuan néra, “Tuang, kinagenangan naila i si tantowo itii i menou-noupé' éng kimua, ‘Kumawusa un teluna endo ni Aku é matou sumaup.’

Markus 14:65

A sé woopira tou rengan i mahrura' wia si Yesus. Apé'an nérala ung gio-Na, a Sia pahsondo'en néra karia i meligau, “É nabi, pahteterangené séi si mahsondo' ni Ko!” Wo sé menénéiz kangkasii é mahsondo' ni Sia.

Markus 15:1

In totozpé' woondo, sé tonaas né walian, sé pahtutu'an né tou Yahudi, sé tou tulap un Torat wo sé walina sé méikauntep witu u Mahkama Agama, nimaréwok wo nimaesaan. A si Yesus apusen nérala an ipahwalima i maiayo wia si Pilatus.

Markus 15:15

Pahpaan si Pilatus paaz i mangun sé tou lakez itii i mahpaa-paaz, a sia milota si Barabas wia ni séra, taan si Yesus é méipekisaboknama an iayonala i masalipen.

Lukas 18:32

Ni Sia én iayo wia sé tou zéi'kan Yahudi, séro'an néra, iperoros néra wo rura'an néra.

Lukas 23:11

Lumousé niitu si Herodes wo sé surarona é mahséro' wo mahléléong wia ni Sia. Si Herodes éng kimaraila wia si Yesus ung karai tonton totoz wangun, a Sia iwurinama sumaup wia si Pilatus.

Lukas 24:46

Kuan-Na wia ni séra, “Wéwéhan u méipantik téntii: Si Mesias én totoz mazézéha wo matou sumaup im wia sé nimaté witu un endo katelu.

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Kisah Rasul-rasul 21:11

Ni sia é niméyé wia ni kai a méndoma un embet ni Paulus. Tumondongla niitu, karegas i mahapus un a'é wo un lengenna in esa ni sia mahkua, “Si Roh Lenas éng kimua in téntii, ‘Téntiimo si tou makaembet ung kenu in apusen né tou Yahudi witi Yerusalem. Wo ni sia én iayo néra wia sé tou zéi'kan Yahudi.’ ”

Kisah Rasul-rasul 4:27

Pahpaan un ulitna wia um wanua tua'na kenu é nimaréwoko si Herodes, si Pontius Pilatus, wo sé tahsasana wanua karia né suzu né Israel i sumaru si Yesus, si Ata-Mu Lenas, si Pinéléng-Mu.