Matius 20:11 - Taaz Weru Witu u Nunuwu'en Tombulu

¹¹ I ni séra nimakailekomé un zoit itii, ni séra é mahpa'os wo menembu-nembut wia si makauma.

Matius 20:11 ပူးပေါင်းရင်းမြစ်များ

Matius 20:10

Tumondong niitu, a méyé sé nimendu rengané ing kataré-taré, pahgenangen nérala un iwaéré wia ni séra é lumakezpé'mé u méiwaér wia sé nimaayang kamurian. Taan ni séra kangkasii si esa wo si esa é nimakailek umané un esa dinar.

Matius 20:12

Kuan néra, ‘Sé kamurian nimuntepé é nimendu uman sana jam wo pinasuatmu umané karia a méiwaér wia ni kai sé simanaendo i nimaayang wutez wo rinaazan.’

Markus 14:5

U lana itii én toro iwangkér teluna atus dinar tezaan wo un zoitna én toro iwéhéma wia sé tou zéi'kan siapa apa.” Ang kakoro'an nérala si wéwéné itii.

Lukas 15:2

Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”

Lukas 19:7

Nimilek niitu, péléng sé tou é menembu-nembut wo mahkua, “Ni Sia mamento' witu um walé ni tou memua-muali a singkéla'.”

Lukas 5:30

Sé sana réwok tou Farisi wo sé tou tulap un Torat é mema'o-ma'os wia sé pahtuzu'en ni Yesus, a mahkua, “Kaa kamu mahkan wo mahelep karia né menanagi am pajak wo né tou mahsingkéla'?”

Yohanes 6:41

A sé tou Yahudi rengan i mengengu-ngengut tumoro si Yesus pahpaan ni Sia kimuama, “Ni Aku kenumo u roti timumpamé im witi kasendukan.”

Yohanes 6:61

Kata'uan ni Yesus i sé mahkii-kiit ni Sia é mengengu-ngengut pahpaan a méikua-Namé itii, a si Yesus kumuala wia ni séra, “Soomo ma'éman kamu wé ing kinuaang-Kuma niitu?

Kisah Rasul-rasul 13:45

Taan sé tou Yahudi é mahtéutéu pahpaan nimilekla sé tou lakez itii. Wo péléng an ipahkua ni Paulus ém pahséro'an wo ipahzéi' néra.

1 Tesalonika 2:16

Ni kai ém pahapé-apé'an néra i mahwoka' u Nuwu' ni Opo Empung u milot sé tou zéi'kan Yahudi im witu un ukuman wana a singkéla'. Karia in téntu sé tou Yahudi é mengawe-ngawes a singkéla' néra makaz i malekep wo in tarékan un upi' ni Opo Empung én timoromo ni séra.

Yudas 1:16

Sé tou itii é sé mengengu-ngengut wo mema'o-ma'os tumoro am pengalin néra, menou-nou mahkiit a lelo léwo' un awak néra. A sumah néra é mahkua ang kaweraan néra wo meloo-looz sé tou i mahlalakez am pahkailekan néra.