Matius 19:29 - Taaz Weru Witu u Nunuwu'en Tombulu

²⁹ Séi uman si pahpaan mahkiit ni Aku timula'umé um waléna, sé katuarina tuama kaapa sé katuarina wéwéné, si ama'na kaapa si ina'na, sé oki'na kaapa an umana, ni sia é makailek sumaup u makasana atusé wo kasii makailek ung katou-touan makaz ing kauré-uré.

Matius 19:29 ပူးပေါင်းရင်းမြစ်များ

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 13:23

A méikagogo witu un tana' rembuz é masuat wo sé tou mahtalinga u Nuwu' itii wo makatulap ung kalakoan niitu, wo pahpaano niitu am pahwangunen néra é mahwua'mé am wangun, wéwéhan a makasana atusé, wéwéhan a makaenemna pulu'mé wo wéwéhan a makateluna pulu'mé.”

Matius 13:8

Taan am watuna tatanemen walina é méikagogoma witu un tana' rembuz, am watuna itii én timoumé wo nimua'mé. An niupu' witu ém wéwéhan a makasana atusé, wéwéhan a maka- enemna pulu'mé wo wéwéhan kasii a makateluna pulu'mé.”

Matius 16:25

Pahpaan séi si paaz mahkelung ung katou-touanna, ni sia éng kaliongan ung katou-touan. Taan séi si kinaliongan ung katou-touanna pahpaan ni Aku, ni sia é makailek ung katou-touan makaz ing kauré-uré.

Matius 19:16

Wéwéhan si tou niméyé wia si Yesus, ang kumuama, “Méster, apa u lé'os u léwo'zéi' wangunengku i makailek ung katou-touan makaz ing kauré-uré?”

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Matius 25:46

Sé tou kenu én iuntep witi tampa pahukuman makaz ing kauré-uré, taan sé tou ulit én iuntep witu ung katou-touan makaz ing kauré-uré.”

Matius 5:11

Mahpaa-paazola ni kamu, sa pahpaan ni Aku, ni kamu pahséro'an karia a nunuwu'en merara un até wo ni kamu ém pahzézéhan, wo kasii pahtawuruken péléng a léwo'an.

Matius 6:33

Taan penérompé'la ung Kakolanoan ni Opo Empung wo um paaz-Na, wo péléng niana én iawes wia ni kamu.

Lukas 14:26

“Sa si tou paaz kumiit ni Aku, u raraatéanna wia ni Aku é léwo'zéi' lumouspé'mé u raraatéanna wia si ama'na, wia si ina'na, wia si mahayona, wia sé oki'na, wia sé katuarina tuama kaapa wéwéné, maanpé' kasii ung katou-touanna in esa. Pahpaan sa zéi'kan téntu, ni sia én zéi'kan toro maéndo pahtuzu'eng-Ku.

Lukas 5:11

Itembir néramé u londéi, an ipakatula'u néramé am pahpaayangen néra ang kumiit si Yesus.

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Yohanes 15:19

Sa ni kamu masuat karia né tou wia ung kaayahan kenu sé zéi'kan ma'éman ni Aku, tantumo sé tou itii é rumaraaté ni kamu pahpaan ni kamu én anu néra. Taan pahpaan ni Aku é niméléngo ni kamu im wia sé tou wia ung kaayahan kenu, niitumo ni kamu én zéi'mo anu né tou wia ung kaayahan kenu. Pahpaano niitu sé tou wia ung kaayahan kenu nimazi'zisola ni kamu.

Yohanes 4:36

In tarékan si mengungupu' éng karegaso im pahwaéran. Am wua'na pahréwokenna é sé tou ma'éman sé makailek ung katou-touan makaz ing kauré-uré. Niitumo si mahkeroz wo si mahupu' é mahpaa-paaz mahwali-wali.

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

1 Korintus 2:9

Tanu u méipantik witu um Pinantik Lenas, in téntii, “Un zéi'kampé' pinahile-ilekla, pinahtali-talingala wo kagenanganla né tou, é niimeko ni Opo Empung wia sé tou rumaraaté ni Sia.”

2 Korintus 5:16

Niitumo, ni kai én zéi'kan mahukur si tou tanu um pakahukur in tou uman, sé lumelo uman am wia ung kaayahan, zozo' im puuna ni kai i mahukur si Kristus én tanu um pakahukur in tou.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

1 Petrus 4:14

Ni kamu é mahpaa-paazola sa wéwéhan tou sé mahséro' wia ni kamu pahpaan i mahkiit si Kristus. Pahpaan si Roh si pahloozen wo pahsigi'en ém wia ni kamu, ni Siamo si Roh ni Opo Empung.

3 Yohanes 1:7

Pahpaan u ngaran-Na ni séra nimangé i mahtuzu' an tutuzu' tumoro si Yesus Kristus, zozo' in zéi'kan siapa am pahkailekané im wia sé tou zéi'kampé' mata'u si Opo Empung.