Matius 19:28 - Taaz Weru Witu u Nunuwu'en Tombulu

²⁸ Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Matius 19:28 ပူးပေါင်းရင်းမြစ်များ

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 19:27

Ang kuan ni Petrus wia si Yesus, “Péléng am péléng é méitula'u naimomé wo kumiit ni Ko, apa u makailekan nai?”

Matius 20:21

Kuan ni Yesus wia ni sia, “Apa ung kapaazmu im wanguneng-Ku?” Kuana wia si Yesus, “Kapaazku sé oki'ku zua kenu toro rumumez witi Kakolanoan-Nu im woo sawisa, si esa ém witu ung kawihi-Mu wo si esa kasii ém witu ung kakan-Mu.”

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 6:33

Taan penérompé'la ung Kakolanoan ni Opo Empung wo um paaz-Na, wo péléng niana én iawes wia ni kamu.

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Markus 10:37

Ang kuan néra, “Énéané kai i rumumez witu u rurumezan-Nu ing Kolano wo mahperénta, um pahsigi'en wo pahloozen, si esa witu ung kakan wo si esa witu ung kawihi.”

Kisah Rasul-rasul 3:21

Taan in tarékan si Yesus Kristus é léwo'zéi' i mento' witi kasendukan, makaz péléng am péléng ém pinakawerumoma ni Opo Empung. Niitu é mémoikua ni Opo Empung rengané im puuna mengiité sé nabi-Na sé lenas.

2 Timutius 2:12

Sa kita ezen im wana an zézéha, ni kita é mamerénta karia-Na. Taan sa kita mahkélong ni Sia, ni Sia kangkasii éng kumélong ni kita.

2 Petrus 3:13

Taan ni kita sé ma'éman é ma'ento' u langit weru wo ung kaayahan weru u méitaaz ni Opo Empung, u mapahwéha-wéhan né tou niéndo ulit ni Opo Empung.

Wahyu 11:16

Sé zuana pulu' wo epat pahtutu'an sé rimumez witu u rurumezan néra ing kolano witu u sinaru ni Opo Empung é nimongkota wo mahsigi' si Opo Empung.

Wahyu 12:1

An ilekena un tanda wangko' witi langit. Wéwéhan si wéwéné kimarai si endo, un a'éna é liméék witu um wawo ni loloho'en. Witu un ulu ni wéwéné itii ém wéwéhan um poporongen ing kolano u mapulu' wo zua tototi'en am wangunen.

Wahyu 20:4

An ilekengkuma a rurumezan né kolano wo sé tou rimumez witu ém winéhanna ung kawasa in tumotoz ulit kaapa zéi'kan am pinahlé'osé né tou. Ilekengku kasiima sé roh né tou sé im puuna éng kinetoran an ulu pahpaan i mahkua a niilek wo an tinalinga néra tumoro si Yesus wo kasii pahpaan i mahkua u Nuwu' ni Opo Empung, sé zéi'kan mahongkot wo mahsigi' wia si binatang wo wia si patong ni binatang itii wo sé zéi'kan tinandaan an tungtung wo a lengen néra. Ni séra é méitou sumaup ni Opo Empung, a merénta ing kolano karia ni Kristus sana riwuna ta'un ung kauréna.

Wahyu 21:5

Ni Sia si rimumez witu u rurumezan-Na ing Kolano éng kimuamé, “Ilekena, péléng am péléng ém pahwerung-Kumo!” Ang kuan-Na wia ni aku, “Ipantikla, pahpaan péléng a méikuama kenu én toro pa'émanen wo ulit.”

Wahyu 22:2

Un zanona é mahso'so'ma witu un unez u lalan witu um wanua tua'na itii. Wana an tembir zua masaru u so'so'an itii ém wéwéhan ung kai u mahwéhémé ung katou-touan u mahwua' makapulu' wo zua witu u sana ta'un. Sekez i loloho'en, ung kai itii é makasa mua'mé. An zani'na ung kai itii ém pahpakén in ipahundam péléng sé tahsasana wanua.

Wahyu 22:5

Im witu um wanua tua'na itii én zéi'mo siapa wengi wo péléng am witu én zéi'mo memandung sena' u solo wo u sena' ni endo, pahpaan si Opo Empung si nimaéndo sena' i mahsena'ma wia ni séra. Wo ni séra é merénta ing kolano makaz ing kauré-uré.

Wahyu 3:21

Séi si nimuntung, énéang-Ku i marumumez karia-Ku witu u rurumezang-Ku ing Kolano, tanu ni Aku i nimuntungo wo rimumez mahwali-wali karia ni Ama'-Ku witu u rurumezan-Na ing Kolano.

Wahyu 4:4

Wo witu u makaliklik u rurumezan ni Kolano itii kasii ém wéwéhan an zuana pulu' wo epat rurumezan né kolano walina a rinumezan né zuana pulu' wo epat pahtutu'an, sé kimarai ang karai kulo' wo nimorong am poporongen né kolano u mas am wangunen.

Wahyu 7:4

An talingangkumé ung kalakez né tou tinandaan wana an tungtung néra é sana atus epatna pulu' wo epatna riwu tou, sé péléng uman wia sé suzu ni Israel a méyé.