Matius 19:27 - Taaz Weru Witu u Nunuwu'en Tombulu

²⁷ Ang kuan ni Petrus wia si Yesus, “Péléng am péléng é méitula'u naimomé wo kumiit ni Ko, apa u makailekan nai?”

Matius 19:27 ပူးပေါင်းရင်းမြစ်များ

Matius 19:26

Si Yesus mileka wia ni séra, ang kumua, “Im wia sé tou, ung kenu én zéi'kan mamuali, taan im wia si Opo Empung, péléng am péléng én toro mamuali.”

Matius 19:28

Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.

Matius 9:9

I si Yesus nimondolomé im witu, ileken-Nama si menanagi am pajak makangaran Matius makarumez witu um pahpaayanganna. Ang kuan ni Yesus wia ni sia, “Kumiitomé ni Aku.” A rumendaié si Matius ang kumiit si Yesus.

Markus 10:28

Ang kuan ni Petrus wia si Yesus, “Péléng am péléng é méitula'u naimomé wo kumiit ni Ko!”

Markus 2:14

Tumondongla niitu, i si Yesus mahlampang an ileken-Nama si Lewi, si menanagi am pajak, si oki' ni Alfeus, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!” A sia rumendaié ang kumiit si Yesus.

Lukas 14:33

Téntu kangkasii ni kamu, sa paaz kumiit ni Aku, péléng a sangkum niou én ipakatula'u nioué wo taré toro méyé i maéndo pahtuzu'eng-Ku.”

Lukas 15:29

Taan si ama'na ém winingkotna umanla, ‘Pahta'unano ni aku mahpaayang wia si ama' wo zéi'kampé' kawisa ni aku soo mahtalinga am perénta ni ama', taan zéi'kampé' kawisa ni aku wéhanla ni ama' zozo' ing kambing uman im péstaangku karia né kakariaku.

Lukas 18:28

Ang kuan ni Petrus, “Ilekené ni kai! Ni kai én timula'umomé an anu nai wo kumiit ni Ko.”

Lukas 5:11

Itembir néramé u londéi, an ipakatula'u néramé am pahpaayangen néra ang kumiit si Yesus.

1 Korintus 1:29

Niitu ém winangun ni Opo Empung wo zéi'kan siapa zozo' in esa uman si tou nimaloozan witu u sinaru-Na.

1 Korintus 4:7

Séi si nimangun i ni kopé' si ipahpuu-puuna taan sé tou walina? Zéi'kankuaa péléng an anumu é méitambér umané ni Opo Empung wia ni ko? Kaa ko mahloo-looz an anumu, tanumokan niana péléng éng kinailekannu in esa?

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.