Matius 19:20 - Taaz Weru Witu u Nunuwu'en Tombulu

²⁰ Ang kuan ni tarétumou itii wia si Yesus, “Péléng niana ém pinahkiitkumomé. Apapé' un zéi'kampé' winangunku?”

Matius 19:20 ပူးပေါင်းရင်းမြစ်များ

Matius 19:19

pahsigi'ela si ama'mu wo si ina'mu, wo iraraatéla sé kasuatmu tou tanu ni ko i rumaraaté un toumu in esa.”

Matius 19:21

Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.”

Lukas 15:29

Taan si ama'na ém winingkotna umanla, ‘Pahta'unano ni aku mahpaayang wia si ama' wo zéi'kampé' kawisa ni aku soo mahtalinga am perénta ni ama', taan zéi'kampé' kawisa ni aku wéhanla ni ama' zozo' ing kambing uman im péstaangku karia né kakariaku.

Lukas 15:7

Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”

Yohanes 8:7

I ni séra zéi'kan mazéi' i meliga-ligau wia ni Sia, a Sia tumeréné a mahkua wia ni séra, “Séi uman im wia ni kamu si zéi'kan siapa singkéla', si tou itiimo si puuna i merit si wéwéné kenu karia am watu.”

Roma 7:9

Ung katou-touangku im puuna pahgenangengkula é lé'o-lé'os uman in zéi'kampé' mata'u un ukum Torat. Taan i ni aku nimata'umoma un ukum Torat, rengané in toro niitu um paaz i mahwangun a singkéla' é mahkawasamo witu ung katou-touangku,

Galatia 3:24

Niitumo, un ukum Torat én tanu si tou mahtéiz ni kita makaz si Kristus méyé, wo ni kita sé ma'éman wia ni Sia én éndon ulit ni Opo Empung.

Filipi 3:6

Tumoro um wuaya im pahwangunengku, ni aku ém mahzézéha sé tou ma'éman si Yesus Kristus, wo tumoro ung kaulitan pahwangunengku, ni aku én uli-ulit mahkiit un ukum Torat, niitumo zéi'kan siapa tou si toro mapahsasala' ni aku.