Matius 18:7 - Taaz Weru Witu u Nunuwu'en Tombulu

⁷ Ikaléwo'la ung kaayahan kenu pahpaan lakez an toro mangun sé tou i mahsingkéla'. Ulit sa niana é léwo'zéi' mamuali wia ung kaayahan, taan ikaléwo'la si tou mahmuali niitu!

Matius 18:7 ပူးပေါင်းရင်းမြစ်များ

Matius 16:23

A si Yesus merena wia si Petrus, ang kuan-Na, “Mingkasa ko tonaas né sétang! Ni ko ém watu pahkasangkilan im wia ni Aku pahpaan ni ko én zéi'kan mahgenang ung ginenang ni Opo Empung, taan mahgenang uman ung ginenang ni tou.”

Matius 26:24

Si Oki' ni Tou é maté tanu u méipantik tumoro ni Sia witu um Pinantik Lenas. Taan ikaléwo'la si tou nimayo si Oki' ni Tou. Tawimo si tou itii in zéi'kan méitoumé.”

Markus 13:7

Sa kamu tumalingamé im wéwéhan sé mahkoro' kaapa a sirita tumoro sé mahkoro', ni kamu én tia'mo maarét. Péléng niana é léwo'zéi' i mamuali, taan niitu én zéi'kampé' un orasna ung kaakazan ung kaayahan.

Lukas 17:1

Si Yesus kumua wia sé pahtuzu'en-Na, “Zéi'kan mamuali in zéi'kan siapa a mangun si tou i mahsingkéla', taan ikaléwo'la si tou mahmuali niitu.

Yohanes 17:12

I ni Aku mengari-ngaria ni séra, ni Aku én timéizo ni séra karia u ngaran ni Ama' u méiwéhé wia ni Aku. Ni Aku én timéizo ni séra wo zéi'kan siapa im wia ni séra si ikalulu, akaz uman ni sia si tinotozo in ikalulu, wo malekep u méipantik witu um Pinantik Lenas.

Kisah Rasul-rasul 1:16

“Katuari-katuari, a méikua ni Roh Lenas mengiité si Daud witu um Pinantik Lenas tumoro si Yudas si nimahwalimé sé tou in timion si Yesus é léwo'zéi' mamuali.

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

1 Timutius 6:1

Péléng sé ata ma'éman si Kristus é léwo'zéi' i mahgenangla sa si tuangna ém wangun im pahsigi-sigi'en. Karia in téntu u ngaran ni Opo Empung wo an tutuzu' ulit am pahkiitenta én zéi'kan séro'an né tou zéi'kan ma'éman.

Titus 2:5

menou-nou karia in tulap wo zéi'kan siapa pahséro'an, tulap i mahimek sé sana awu néra, lé'os uman wo mahtali-talinga wia si mahayona. Karia in téntu, u Nuwu' ni Opo Empung én zéi'kan pahséro'an né tou.

Titus 2:8

an ipahkuamu ém wéwéhan torona wo zéi'kan siapa um pahséro'an, makaz sé mahsaru ni ko é maizang pahpaan zéi'kan siapa un ikua néra i mahtawuruk tumoro ni kita.

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.