Matius 18:32 - Taaz Weru Witu u Nunuwu'en Tombulu

³² Tumalingamé u sirita néra, an ipekitawahmé ni kolano si ata itii ang kuana, ‘É ata léwo'! Péléng an utangmu wia ni aku ém pinakazéi'kumola pahpaan ni ko é nimahaléi wia ni aku.

Matius 18:32 ပူးပေါင်းရင်းမြစ်များ

Matius 18:27

Tumalingamé u méikuamé ni atana, a mawiamé u raraatéan ni kolano wia ni sia. Niitumo, si ata itii é méipiloté ni kolano itii wo an utang ni ata itii ém pinakazéi'na.

Matius 18:31

I nimilekla niitu, un até né kakariana walina é rumara. A maikua nérala péléng a nimamuali itii wia si tuang néra.

Matius 18:33

Zéi'kankuaa ni ko kangkasii é léwo'zéi' i rumaraaté si kakariamu tanu ni aku i rimaraatémo ni ko?’

Matius 25:26

Ang kuan ni tuangna wia ni sia, ‘Ni ko én ata léwo' wo soo mawendu. Kata'uannumo ndéén sa ni aku é mahupu' wana an zéi'kan méikerozku wo mengéngéndo wana an zéi'kan méitanemku.

Lukas 19:22

Ang kuana wia si tou itii, ‘Ni ko én ata léwo'! Ni ko én ukumengku mengiit a méikuamumé itii. Kata'uannumo sa ni aku én tou léwo', mengéngéndo un zéi'kan anuku wo mengungupu' an zéi'kan méitanemku.

Roma 3:19

Kata'uanta péléng a méipantik witu un ukum Torat é méiwéhé wia sé tou sé mahkiit un ukum Torat. Karia in téntu péléng a sumah é mapenes wo péléng sé wia ang kaayahan é maukumen ni Opo Empung.

Yakobus 2:13

Pahpaan si tou zéi'kan siapa raraatéan én totozen in ulit kaapa zéi'kan karia un zéi'kan siapa raraatéan. Taan u raraatéampé' un enté' taan un ukuman.