Matius 18:27 - Taaz Weru Witu u Nunuwu'en Tombulu

²⁷ Tumalingamé u méikuamé ni atana, a mawiamé u raraatéan ni kolano wia ni sia. Niitumo, si ata itii é méipiloté ni kolano itii wo an utang ni ata itii ém pinakazéi'na.

Matius 18:27 ပူးပေါင်းရင်းမြစ်များ

Matius 18:28

Taan i si ata itii mondolé im witu, a sia mahilekala karia ni ata walina si wéwéhan un utang sana atus dinar wia ni sia. An tionannala si kakariana itii ang kezangannala, kuana, ‘Waérenomé an utangmu wia ni aku!’

Matius 18:32

Tumalingamé u sirita néra, an ipekitawahmé ni kolano si ata itii ang kuana, ‘É ata léwo'! Péléng an utangmu wia ni aku ém pinakazéi'kumola pahpaan ni ko é nimahaléi wia ni aku.

Lukas 7:42

Taan ni séra zua én zéi'kan makawawa i muri an zoit pininjang nérama. A zéi'ela ni makazoit am pininjang néramé. In tarékan Simon, sa kiit ni ko, im wia ni séra zua é séi si totoz rumaraaté si makazoit itii?”

Lukas 7:43

A mingkotla si Simon, “Sa kiit ni aku é si tou niminjang an zoit lakez an zéi'ela ni makazoit am pininjangna.” Kuan ni Yesus, “Ulit ung ginenangmu itii.”