Matius 18:17 - Taaz Weru Witu u Nunuwu'en Tombulu

¹⁷ Sa sia soopé' kasii tumalinga sé tou tinawahmumé itii, maipapata'ula niana péléng wia sé jamaat. Sa sia soopé' kasii tumalinga sé jamaat, irékénola sia in tou zéi'kan mata'u si Opo Empung kaapa si tou menanagi am pajak.

Matius 18:17 ပူးပေါင်းရင်းမြစ်များ

Matius 10:3

si Filipus wo si Bartolomeus, si Tomas wo si Matius si im puuna menanagi am pajak, si Yakobus oki' ni Alfeus, si Tadeus,

Matius 11:19

In tarékan si Oki' ni Tou é niméyé, ni Sia é mahkan wo mahelep wo ni séra é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’ Taan ung katulapan ni Opo Empung én ikatuzu'mé im wana am pahlé'osen né tou mahkiit ni Sia.”

Matius 5:46

Sa kamu rumaraaté uman sé tou rumaraaté ni kamu, apa u méikaawesé wia ni kamu? Pahpaan maan sé menanagi am pajak kangkasii é mahwangun an téntu.

Matius 6:7

Sa kamu mengaléi én tia' pelambo-lambo'en, tanu ung kinanaram né tou zéi'kan Yahudi sé zéi'kan mata'u si Opo Empung. Pahgenangen nérala sa lakez an ipahkua, am pengaléien néra én énéané.

Lukas 15:1

Makasamé, sé menanagi am pajak wo sé tou memua-muali a singkéla', méyé in tumalinga si Yesus.

Lukas 18:11

Si tou Farisi itii rumendaié wo mengaléi: ‘O Opo Empung, ni aku éng kumuama u makasé wia ni Ko, pahpaan ni aku én zéi'kan tanu sé tou walina, zéi'kan angkum, zéi'kan tantowo, zéi'kan mahsamek wo ni aku én zéi'kan masuat wo si menanagi am pajak kenu;

1 Korintus 5:9

Witu um pinantikku i makasa, ni aku éng kimuamo wia ni kamu in tia' mahkari-karia sé tou samek.

1 Korintus 6:1

Sa wéwéhan im wia ni kamu si tou ma'éman mahéndo-éndoan karia ni kasuat tou ma'éman, kaa kahuman ni sia zéi'kan mahaléi wia sé tou ma'éman wia si Opo Empung, taan nimahaléi uman taré wia si tou si zéi'kampé' mata'u si Opo Empung in tumotoz am pahéndo-éndoan néra itii?

2 Tesalonika 3:6

Katuari-katuari, pahaléien nai wia ni kamu witu ung ngaran ni Yesus Kristus Mahpiara, wo ni kamu zumou'mé im wia sé katuari esa pa'émanen sé soo maayang wo zéi'kan mahkiit an tutuzu' méipahtuzu' naimo wia ni kamu.

1 Timutius 6:5

mahsingku-singkutan zéi'kan siapa zéi'na, ung genang ni tou itii é nimakazo wo zéi'mo ulit. Ni sia mahgenangla i mawa'ilan pahpaan mahragés wia si Opo Empung.