Matius 18:16 - Taaz Weru Witu u Nunuwu'en Tombulu

¹⁶ Taan sa ko zéi'kan talingana, tumawahmé si esa kaapa zua katuarimu tou ma'eman i milek wo tumalinga un ipahkuamu wia ni sia, wo wéwéhan sé tou menté' u méikuamu.

Matius 18:16 ပူးပေါင်းရင်းမြစ်များ

Yohanes 8:17

Im witu un ukum Torat niou é méipantik, sa sé tou zua kimuamo tumoro a niilek wo an tinalinga néra, niitumo un ulit.

2 Korintus 13:1

Ang kenu éng katelu ni aku i méyé wia ni kamu. Witu um Pinantik Lenas méipantik in téntii, “Sa wéwéhano zua kaapa telu tou sé mahkua tumoro a niilek néra, taré um pahéndo-éndoan toro isampet.”

1 Timutius 5:19

Tia' pahtalinganu am pahtoké wia si penatua. Taan sa wéwéhan zua kaapa telu tou nimilek wo mahkuamé a niilek néra tumoro am pahtoké itii, taré toro talinganu u méitoké itii.

Ibrani 10:28

Sa wéwéhan si soo mangun un ukum ni Musa wo wéwéhan sé tou zua kaapa telu kimua a niilek néra tumoro a sinala' ni tou itii im witu un ukum ni Musa, si tou itii én ukumen im wunu'en, zéi'kan siapa ampungan.

Wahyu 11:3

Ni Aku é matu sé zua tou sé nimilek wo timalinga a méikua-Ku, i makumua a méi'kua-Ku itii, karia ing kimarai ung karai zemdem, ung kauréna é sana riwu zuana atus wo enemna pulu' endo.”