Matius 18:14 - Taaz Weru Witu u Nunuwu'en Tombulu

¹⁴ Téntu kangkasii si Ama' niou witi kasendukan, kasoo-Na sa si esaané im wia sé koki' kenu ikalulu.”

Matius 18:14 ပူးပေါင်းရင်းမြစ်များ

Matius 18:13

Uli-ulit ikua-Kuma wia ni kamu: Sa kinailekannamomé si domba itii, u mahpaa-paazna im wia si domba esa itiipé' u lumousé taan u mahpaa-paazna im wia sé siouna pulu' wo siou domba sé zéi'kan méikalulu.

Matius 18:15

Ang kuan kasii ni Yesus, “Sa si katuarimu sumingkéla'la, mengesama ko in tumawahmé ni sia wo séro'ennula. Sa sia paaz tumalinga a sésésamu, ni sia ém winangunmumola nimawurimé sumaup wia ni ko.

Matius 5:16

Téntumo kangkasii ni kamu, un ayah wia ni kamu é léwo'zéi' i mahsena'ma wia sé tou, wo u lé'os pahwangunen niou toro ka- ilekan néra wo séra mahsigi' wo mahlooz si Ama' niou si witi kasendukan.”

Matius 6:32

Péléng niana ém penéro-néron né tou sé zéi'kan mata'u si Opo Empung. Taan si Ama' niou si witi kasendukan é mata'u, i ni kamu é memandung niana péléng.

Matius 6:9

Pahpaano niitu, sa kamu mengaléi, mengaléiola tanu ang kenu, Ama' nai witi kasendukan, u ngaran-Mu é lenasen,

Lukas 12:32

Ni kamu én toyo' uman! Taan zozo'pé' in téntu, ni kamu én tia'mo maindé'. Pahpaan si Ama' niou si witi kasendukan é mahpaa-paaz i ni kamu nimaéndomo tou witi Kakolanoan-Na.

Yohanes 17:12

I ni Aku mengari-ngaria ni séra, ni Aku én timéizo ni séra karia u ngaran ni Ama' u méiwéhé wia ni Aku. Ni Aku én timéizo ni séra wo zéi'kan siapa im wia ni séra si ikalulu, akaz uman ni sia si tinotozo in ikalulu, wo malekep u méipantik witu um Pinantik Lenas.

Yohanes 21:15

Makasampetla séra ing kiman, a si Yesus kumuala wia si Simon Petrus, “Simon oki' ni Yohanes, apa u raraatéannu wia ni Aku é lumouspé'mé u raraatéan né tou kenu wia ni Aku?” Wingkotela ni Petrus wia ni Sia, “Ulit Tuang, Kata'uan-Numo i ni aku é rumaraaté ni Ko.” Kuan ni Yesus wia ni sia, “Piarala sé domba-Ku.”

2 Timutius 2:10

Niitumo, ni aku én ezen i nimasaan an zézéha pahpaan sé tou pinéléng ni Opo Empung, wo séra toro ipilot im witu un ukuman wana a singkéla' mengiité si Kristus Yesus, karia u sigi' wo looz makaz ing kauré-uré.

Ibrani 12:13

Wo mahlampangla witu u lalan terén, wo tia' un a'é u mahkénto' én ikalésok, taan nimalé'os, un tanu sé tou menou-nou zéi'kampé' uli-ulit mahkiit an ikapaaz ni Opo Empung én zéi'kan ikalulu taan menou-nou uli-ulit mahkiit an ikapaaz-Na.

2 Petrus 3:9

Si Mahpiara én zéi'kan mahuré-uré i mangun a méitaaz-Na, zozo' im wéwéhan sé tou mahkua ni Sia én tahlous uré. Taan ni Sia én ezen im wia ni kamu, pahpaan kasoo-Na zozo' in esa wéwéhan sé tou maikaléwo'. Kapaaz-Na péléng sé tou én tumula'ula a singkéla' wo mawuri sumaup i mahlé'os ang kapaaz-Na.