Matius 17:27 - Taaz Weru Witu u Nunuwu'en Tombulu

²⁷ Taan, wo séra zéi'kan maupi', mangémo mamopasé witi louz. Éndoné si seza' kataré niopasmumé wo wukala u sumahna, witu u sumah ni seza' itii ém wéwéhan un zoit un toro iwaér um pajakta zua witi Walé ni Opo Empung. Éndoné an zoit itii wo maiwaéré wia ni séra um pajak-Ku wo um pajakmu.”

Matius 17:27 ပူးပေါင်းရင်းမြစ်များ

Matius 17:26

A mingkotla si Petrus wia si Yesus, “Sé mahwaér pajak é sé tou limepuh umané.” Ang kuan ni Yesus wia ni sia, “Sa téntu, sé tou néra én zéi'kan mahwaér pajak.

Matius 18:6

Ang kuan kasii ni Yesus, “Taan séi uman si tou nimangun si esaané im wia sé koki' sé ma'éman wia ni Aku kenu in zéi'mo ma'éman wia ni Aku, tawimo u léhé'na apusala um watu tua'na ipahgiling wo sia maitenemé witi tasik.

Matius 18:8

Sa u lengenmu kaapa un a'ému nimangun ni ko mahsingkéla', ketorenola wo itia'la. Pahpaan tawimo ni ko menou-nou karia ni Opo Empung karia u lengen kaapa un a'é pokol taan ni ko karia u lengen zua wo un a'é zua, mailombo' witu un api zéi'kan mahpaté.

Matius 5:29

Sa um werenmu kakan nimangunla ni ko i mahsingkéla', suitenola wo itia'la um weren itii! Pahpaan tawimo ko ing kainaala um weren esa, taan ni ko i makaweren un zua mailombo' witi naraka.

Matius 5:30

Sa u lengenmu kakan nimangunla ni ko i mahsingkéla', ketorenola wo itia'la u lengen itii! Pahpaan tawimo ko ing kainaala u lengen kasaru, taan ni ko i makalengen un zua muntep witi naraka.”

Markus 9:42

Si Yesus kimua kasiila wia ni séra, “Séi uman si nimangun si esaané im wia sé koki' sé ma'éman wia ni Aku kenu in zéi'mo ma'éman wia ni Aku, tawimo u léhé'na apusala um watu tua'na ipahgiling wo mailombo'mé witi tasik.

Markus 9:43

Sa u lengenmu kasaru mangunla ni ko i mahsingkéla', ketorenola u lengen itii! Pahpaan, tawimo ni ko menou-nou karia ni Opo Empung karia u lengen pokol kasaru, taan karia u lengen zua méiuntep umana witi naraka, witu un api zéi'kan mahpaté. [

Lukas 17:2

Tawimo u léhé'na apusala um watu tua'na ipahgiling wo sia mailombo'mé witi tasik, taa sia mangun si esaané im wia sé tou ma'éman sé zéi'kan ipahréké-rékén kenu sumingkéla'.

Yohanes 6:61

Kata'uan ni Yesus i sé mahkii-kiit ni Sia é mengengu-ngengut pahpaan a méikua-Namé itii, a si Yesus kumuala wia ni séra, “Soomo ma'éman kamu wé ing kinuaang-Kuma niitu?

Roma 14:21

Tawimo in zéi'kan mahkan lé'ona kaapa mahelep anggor, kaapa mangun am walina an toro mangun si katuari esa pa'émanen i sumingkéla'.

1 Korintus 8:13

Niitumo, sa ung kakanen u maéndo raraung wia sé katuariku esa pa'émanen, ni aku é soomo kuman u lé'ona itii makaz ing kauré-uré, wo ni aku én zéi'kan maéndo raraung wia sé katuari esa pa'émanen.

1 Korintus 8:9

Zozo' kamu toro kuman péleng ang kakanen, taan mile-ilek én taa kamu maéndo raraung wia sé katuari zéi'kampé' enté' um pa'émanen néra.

2 Korintus 6:3

Ni kai mahtututu' i mahpaayang uman am wangun, wo am pahpaayangen nai zéi'kan maéndo tanu watu pahkasangkilan né tou, wo zéi'kan siapa si mapahsasala' am pinaayang nai.

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

1 Tesalonika 5:22

Zumou'la im wana péléng a léwo'an.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?