Matius 17:20 - Taaz Weru Witu u Nunuwu'en Tombulu

²⁰ Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Matius 17:20 ပူးပေါင်းရင်းမြစ်များ

Matius 13:31

An isirita kasiila ni Yesus un aandéan walina wia ni séra. Kuan-Na, “Ung Kakolanoan ni Opo Empung én tanu am watuna tatanemen totoz rintek, a niéndoma ni tou a maikerozé witi umana.

Matius 14:29

Ang kuan ni Yesus wia ni sia, “Méyémo!” A si Petrus tumumpamé im witu u londéi a lumampang witu um wawo un zano mangé wia si Yesus.

Matius 17:17

Ang kuan ni Yesus, “É kamu in tou zéi'kan ma'éman wo méikalulu. Makaz sawisa ni Aku i memali-mali karia niou? Makaz sawisa ni Aku i mezen wia ni kamu? Ipahwalimé wia'i si koki' itii!”

Matius 17:19

A méyé wia si Yesus sé pahtuzu'en-Na. I ni séramokan sé witu, a séra meligau wia ni Sia, “Méster, kaa si sétang itii én zéi'kan kawawaan nai i moho?”

Matius 17:9

I ni séra mahperosé im witi kentur itii, a si Yesus kumuala wia ni séra, kuan-Na, “Tia' ipahkukua niou wia si séi uman a ni- ilek nioué ing kataré, puunala si Oki' ni Tou in itoumé sumaup im wia sé nimaté.”

Matius 21:21

A mingkotla si Yesus wia ni séra, “Uli-ulit ikua-Kuma wia ni kamu, sa kamu ma'éman wo zéi'kan mahzua-zua genang, ni kamu én zéi'kan uman toro mangun tanu um winangun-Kuma witu ung kai ara itii, taan ni kamu kangkasii én toro kumuama witu ung kentur kenu, ‘Mawutwuta wo ikalombo'ma witi tasik!’ niitu é mamuali.

Matius 8:26

Taan kuan ni Yesus wia ni séra, “É kamu sé zéi'kan tahlous ma'éman, kaa kamu maindé'?” A si Yesus rumendaié a rekaken-Nama u reges wo u sempa' itii. A mapenesa u louz itii.

Markus 11:22

A si Yesus mingkotla, “Ma'émanola wia si Opo Empung.

Markus 11:23

Uli-ulit ikua-Kuma wia ni kamu: Séi uman si kumuama witu ung kentur kenu, ‘Mawutwutomé wo ikaweritoma witi tasik!’ Sa sia zéi'kan mahzua-zua genang wo ma'éman u méikuanama itii é mamuali, niitu én uli-ulit mamuali.

Markus 4:31

Ung Kakolanoan ni Opo Empung é masuat wo um watuna tanemen totoz rintek u méikeroz witu un tana'. Um watuna itii én totoz rintek im wana am watuna wia ung kaayahan.

Markus 9:23

A si Yesus mingkotla, “Kaa kuanu sa Aku én toro? Péléng am péléng én toro mamuali im wia sé tou ma'éman!”

Lukas 1:37

Pahpaan im wia si Opo Empung én zéi'kan siapa an zéi'kan mamuali.”

Lukas 17:6

A si Tuang mingkotla, “Sa ni kamu wéwéhan um pa'émanen tanu um watuna tatanemen totoz rintek, ni kamu toro kumua ung kai ara kenu, ‘masawuté wo maikatanemé witi tasik.’ Ung kai ara itii éng kumiit u méikua nioua.”

Lukas 18:27

Ang kuan ni Yesus, “An zéi'kan mamuali im wia sé tou é mamuali im wia si Opo Empung.”

Yohanes 11:40

Ang kuan ni Yesus, “Zéi'kankuaa mémoikua-Kula wia ni ko: sa ko ma'éman ni ko é milek ung kawangko'an ung kawasa ni Opo Empung?”

1 Korintus 12:9

Si Roh Lenas timambér wia si tou um pa'émanen totoz enté'. Si Roh Lenas itii kangkasii si timambér wia si tou walina u makawawa i lumé'os sé tou saki.

1 Korintus 13:2

Wo kasii zozo' ni aku tinambéran u makawawa i mahkua wia sé tou a méikuamé ni Opo Empung wia ni aku, wo zozo' ni aku makawawa i makatulap péléng ang ginenang-Na un zéi'kampé' kata'uan né tou walina. Zozo' ni aku i mata'u péléng am péléng wo zozo' um pa'émanengku én enté' makaz ung kentur én toro iatuku mérama im witu, taan sa ni aku zéi'kan rumaraaté sé tou walina, ni aku én zéi'kan siapa torona.

Ibrani 3:19

Niitumo, méikatuzu'momé i sé nimaopota én zéi'kan mata'u muntep witu un tampa itii pahpaan ni séra soo ma'éman si Opo Empung.