Matius 17:18 - Taaz Weru Witu u Nunuwu'en Tombulu

¹⁸ A si sétang si wia si koki itii peréntana ni Yesus i mondola. Si sétang itii é rengan i nimondola, in toro niitukan a malé'osa si koki' itii.

Matius 17:18 ပူးပေါင်းရင်းမြစ်များ

Matius 12:22

An ipahwalimé né tou wia si Yesus si tou sinelazan ni sétang. Si tou itii é letok wo wowo'. A sia lé'osena ni Yesus makaz si tou itii én toromo mahilek wo mahnuwu'.

Matius 15:28

Ang kuan ni Yesus wia ni sia, “É ina', um pa'émanennu én totoz wangko', niitumo in tarékan é mamualimoma tanu un ikapaazmu.” In toro niitukan, si kooki' ni wéwéné itii é nimalé'osoma.

Matius 17:17

Ang kuan ni Yesus, “É kamu in tou zéi'kan ma'éman wo méikalulu. Makaz sawisa ni Aku i memali-mali karia niou? Makaz sawisa ni Aku i mezen wia ni kamu? Ipahwalimé wia'i si koki' itii!”

Matius 17:19

A méyé wia si Yesus sé pahtuzu'en-Na. I ni séramokan sé witu, a séra meligau wia ni Sia, “Méster, kaa si sétang itii én zéi'kan kawawaan nai i moho?”

Matius 9:22

Taan si Yesus luméngéma muri wia si wéwéné itii ang kuan-Na, “É oki'-Ku, enté'ela un atému! Um pa'émanennu u limé'os ni ko.” In toro niitukan si wéwéné itii é lé'oso.

Markus 1:34

Si Yesus limé'osa a saki né tou lakez a nimahwali-walinaan, wo kangkasii lakez sé sétang simelaz wia sé tou sé méiwoho-Nama. Zéi'kan iwéhé-Na sé sétang itii i numuwu', pahpaan ni Sia éng kata'uan néra.

Markus 5:8

Si tou itii kimuama in téntu, pahpaan puunala niitu si Yesus éng kimuama wia ni sia, “É, sétang! Mondolé im wia si tou kenu!”

Lukas 4:41

Wo iwoho-Na kasiima sé sétang im wia sé tou lakez a séra mondolé karia i mengéré-ngérét, “Ni Komo si Oki' ni Opo Empung.” Taan si Yesus é rimekaka ni séra, wo zéi'kan iwéhé-Na séra i mahnuwu', pahpaan kata'uan néra i ni Siamo si Mesias.

Lukas 8:29

Si tou sinelazan né sétang itii é mahkua in téntu wia si Yesus, pahpaan sé sétang itii é méiwohoma ni Yesus im wia si tou itii. Pahpaan si tou itii sekezé éng kinawasa né sétang, niitumo u lengen wo un a'éna ém pahapusen né tou karia u ranté taan um pahrepesena umana. Si tou itii ém pemamalima né sétang wana an zéi'kan pahento'an né tou.

Lukas 9:42

I si koki' itii rimétéma wia si Yesus, an iwasala ni sétang si koki' itii witu un tana' makaz un touna mengesé-ngeséiokan witu wawo un tana'. A rekakena ni Yesus si sétang itii a malé'osa si koki' itii. Tumondong niitu, an iwéhéla ni Yesus si koki' itii wia si ama'na.

Kisah Rasul-rasul 16:18

Woo pirana endomo si wéwéné itii i mengasa-ngasar téntu. I si Paulus seso'mo a sia luméngéhma muri ang kumua wia si roh si simelaz wia si wéwéné itii, “Karia u ngaran ni Yesus Kristus, mondolé ko im wia si wéwéné itii.” In toro niitukan si roh itii éng kimii-kiit i nimondolé.