Matius 16:4 - Taaz Weru Witu u Nunuwu'en Tombulu

⁴ Sé tou léwo' wo zéi'kan ezen in tarékan é mahaléi wia ni Aku i mapaileka u makakompo'en, un tumuzu'mé i ni Aku ém wia si Opo Empung a méyé. Taan ni séra én zéi'kan mahile-ilekla u makakompo'en, akaz uman u makakompo'en nimamuali wia si nabi Yunus.” Makakuama niitu, a séra itula'uma ni Yesus.

Matius 16:4 ပူးပေါင်းရင်းမြစ်များ

Matius 15:14

Iwayamola sé sana réwok tou Farisi itii. Ni séra é masuat wo si tou letok mengahkit si tou letok. Sa si tou letok mengahkit si tou letok, ni séra zua én ikatahu' witu um woso.”

Matius 16:5

I sé pahtuzu'en ni Yesus méikaayola witi lewet u louz Galilea, ang kagenangan nérala i ni séra é nimaliuz umané i nimahalimé roti.

Markus 8:12

Tumalingamé niitu si Yesus é nimasenga selah ang kumuama, “Kaa sé tou in tarékan én totozokan i mahaléi u makakompo'en? Uli-ulit ikua-Kuma wia ni kamu, ni Aku én zéi'kan mangun u makakompo'en wia sé tou kenu in tarékan.”

Markus 8:38

Pahpaan im wia sé tou zéi'kan ma'éman wo mahsingkéla' kenu, séi uman si maizang makaulit i mahkii-kiit ni Aku wo pahpaan an ipahkua-Ku, si Oki' ni Tou kangkasii é maizang pahpaan si tou itii, i ni Sia méyé sumaup karia ung kawangko'an ni Ama'-Na kinariamé né malaekat lenas.”

Kisah Rasul-rasul 18:6

Taan pahpaan sé tou itii é mahsaru wo mahséro' uman taré wia ni sia, niitumo si Paulus timangkarla an awu witu ung kinaraina, i mapagenang wia ni séra i ni séra é simala'mola, ang kumua wia ni séra, “Ni kamu in esa sé nimangun si Opo Empung i mukum ni kamu. Zéi'kan sumala'ku. Rengan in tarékan, ni aku é mangé wia sé tou zéi'kan Yahudi i mahwoka' u Nuwu' Lé'os tumoro si Yesus.”

Kisah Rasul-rasul 2:40

Lakezpé' kasii a méikua ni Petrus wia ni séra i mahkua am pina'ilekna wo menutu' ni séra, kuana, “Sa kamu paaz in zéi'kan ukumen ni Opo Empung, tia'mo mahkari-karia sé tou memua-muali a singkéla' kenu.”