Matius 16:28 - Taaz Weru Witu u Nunuwu'en Tombulu

²⁸ Uli-ulit ikua-Kuma wia ni kamu: Wéwéhan sé woopira im wia ni kamu im wia'i én zéi'kampé' nimaté puunala séra i mileka si Oki' ni Tou méyé ing Kolano witi Kakolanoan-Na.”

Matius 16:28 ပူးပေါင်းရင်းမြစ်များ

Matius 10:23

Sa kamu pahzézéhan néra witi wanua tua'na esa, tumingkasoma witi wanua tua'na walina. Pahpaan uli-ulit ikua-Kuma wia ni kamu: Puunala péléng am wanua tua'na witi Israel pakaangéan nioué, si Oki' ni Tou é niméyémo sumaup.

Matius 16:13

I si Yesus méikaayomoma witi Kaisarea Filipi, ni Sia meligau wia sé pahtuzu'en-Na, “Kuan né tou, séi si Oki' ni Tou itii?”

Matius 24:3

Tumondong niitu, a si Yesus mangé witi kentur Zaitun. Im witu si Yesus rimumezla, a méyé sé pahtuzu'en-Na i mésumirita karia-Na, kuan néra, “Méster, ikuamé wia ni kai sawisa u méikua-Mumé itii mamuali, wo apa un tumuzu'mé ni Ko i mawurimé wo an tumuzu'mé ung kaakazan ung kaayahan?”

Matius 24:34

Uli-ulit ikua-Kuma wia ni kamu, sé tou menou-nou in tarékan kenu ém wéwéhan sé zéi'kampé' nimaté puunala niana péléng i mamuali.

Matius 24:42

Niitumo, tuméga-tégam, pahpaan zéi'kan kata'uan niou sawisa si Mahpiara niou i mawurimé sumaup.

Matius 26:64

A si Yesus mingkotla, “Ni ko éng kimuamomé niitu, taan ikua-Kuma wia ni kamu, rengan in tarékan ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Markus 13:26

In toro niitu, sé tou é milek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Markus 8:38

Pahpaan im wia sé tou zéi'kan ma'éman wo mahsingkéla' kenu, séi uman si maizang makaulit i mahkii-kiit ni Aku wo pahpaan an ipahkua-Ku, si Oki' ni Tou kangkasii é maizang pahpaan si tou itii, i ni Sia méyé sumaup karia ung kawangko'an ni Ama'-Na kinariamé né malaekat lenas.”

Markus 9:1

A si Yesus kumua kasiila wia ni séra, “Uli-ulit ikua-Kuma wia ni kamu, sé woopira im wia ni kamu sé wia un tampa kenu én zéi'kan maté puunala séra nimilek ung kawasa wo ung Kakolanoan ni Opo Empung.”

Lukas 18:8

Ikua-Kuma wia ni kamu: ni Sia én zéi'kan mahuré-uré i sumawang ni séra im wana am pahéndo-éndoan néra. Taan, sa si Oki' ni Tou méyé, apa wéwéhampé' sé tou wia ung kaayahan kenu sé ma'éman wia ni Sia?”

Lukas 2:26

Mémoikua ni Roh Lenas wia ni sia i ni sia én zéi'kampé' maté sa zéi'kampé' nimilek si Mesias, si Kolano milot sé tou, si méitaaz ni Opo Empung.

Lukas 9:27

Uli-ulit ikua-Kuma wia ni kamu, ‘Im wia ni kamu im wia'i, wéwéhan sé zéi'kampé' nimaté sa zéi'kampé' nimilek ung Kakolanoan ni Opo Empung.’ ”

Yohanes 21:22

Ang kuan ni Yesus, “Sa sia kapaaz-Ku menou-nou makaz ni Aku i mawurimé sumaup, niitu én zéi'kan urusannu. Taan ni ko, kumiitomé ni Aku.”

Yohanes 8:51

Uli-ulit ikua-Kuma wia ni kamu: Séi uman si mahkiit u nuwu'-Ku, ni sia én zéi'kan maté makaz ing kauré-uré.”

Yohanes 8:52

Kuan né tonaas né tou Yahudi wia ni Sia, “Kata'uan nai in tarékan ni Ko é sinelazan. Pahpaan si Abraham é nimatémoma wo téntu kangkasii sé nabi, taan ni Ko é mahkua: Séi uman si mahkiit u nuwu'-Ku, ni sia én zéi'kan maté makaz ing kauré-uré.

Kisah Rasul-rasul 1:11

Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

1 Korintus 15:23

Péléng sé tou nimaté én itou sumaup ni Opo Empung mengiit un orasna. Si kataré-taré é si Kristus, pahpaan ni Sia én tanu um wua'na kataré im wana an tinanem. Tumondong niitu é sé tou ni Kristus, i ni Sia méyé sumaup wia ung kaayahan.

1 Tesalonika 1:10

Ni séra kasii sé simirita tumoro kura kamu i ma'ento' si Yesus, si Oki' ni Opo Empung si witi kasendukan wo méyé, si méitoumé sumaup ni Opo Empung im wia sé nimaté, si milot ni kita sé ma'éman wia ni Sia im witu un upi' ni Opo Empung u méyé in tumondong.

Ibrani 2:9

Taan im puuna i si Yesus wiapé' ung kaayahan, ni Sia ém winangun ni Opo Empung wawa'pé'mé oki' im wia sé malaekat taan zéi'kan tahlous uré. In toro niitu, pahpaan ung kamang méitambér ni Opo Empung, ni Sia nimaté wia péléng sé tou. Pahpaan ni Sia nimazéhamo makaz i nimaté, niitumo in tarékan ni kita nimileko i si Yesus é nimakaileko u looz wo u sigi' ni Opo Empung.

Yakobus 5:7

Pahpaano niitu, katuari-katuari, meze-ezenla makaz si Mahpiara i mawurimé sumaup. Si mahuma én ezen i ma'ento' am wua'na am wéwéhan torona im witu un umana. Ni sia kasii én ezen i ma'ento' un uzan in tumumpamé oras in tumanem wo un uzan in tumumpamé in oras i mahwua'.

2 Petrus 1:16

Pahpaan ni kai i mahtuzu' wia ni kamu tumoro si Yesus Kristus Mahpiarata i mawurimé sumaup tanu si Kolano karia ung kawasa-Na, zéi'kan mahkiit a sirita towo am winangun uman né tou, taan ni kai sé nimilek wo sé timalinga ung kawangko'an-Na.

1 Yohanes 2:28

Niitumo in tarékan, é kamu sé oki'ku, ni kamu é léwo'zéi' i menou-nou nimaesa karia ni Kristus, wo sa Sia méyémo sumaup im witu un endo itii, ni kita én zéi'kan maindé' wo zéi'kan maizang wia ni Sia.