Matius 16:26 - Taaz Weru Witu u Nunuwu'en Tombulu

²⁶ Apa un torona si tou nimakailek péléng am wia ung kaayahan, taan ni sia éng kinaliongan ung katou-touanna? Apa un toro iwéhéna i sumawel ung katou-touanna?

Matius 16:26 ပူးပေါင်းရင်းမြစ်များ

Matius 16:25

Pahpaan séi si paaz mahkelung ung katou-touanna, ni sia éng kaliongan ung katou-touan. Taan séi si kinaliongan ung katou-touanna pahpaan ni Aku, ni sia é makailek ung katou-touan makaz ing kauré-uré.

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 5:29

Sa um werenmu kakan nimangunla ni ko i mahsingkéla', suitenola wo itia'la um weren itii! Pahpaan tawimo ko ing kainaala um weren esa, taan ni ko i makaweren un zua mailombo' witi naraka.

Lukas 12:20

Taan kuan ni Opo Empung wia ni sia, ‘É ko in tou lemou! Im wengi kenukan, ung katou-touannu én éndon im wia ni ko. Séi si wéhannu péléng a rinéwokmu itii?

Lukas 16:25

Taan si Abraham é nimingkot umané in téntii, ‘É oki'ku, amoké genangenula! Im puuna i ni ko menou-noupé', ni ko é nimakailekomé péléng am wangun. Taan si Lazarus ndootuu i menou-noupé', ang kinailekanamé ém péléng an zéi'kan wangun. Taan in tarékan ni sia é sénango im wia'i wo ni ko kahuman én zézéha im wana.

Lukas 9:25

Apa un torona sa péléng am wia ung kaayahan én anuna, taan niitu é luméwo' un touna wo zéi'kan makailek ung katou-touan makaz ing kauré-uré?