Matius 16:24 - Taaz Weru Witu u Nunuwu'en Tombulu

²⁴ Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Matius 16:24 ပူးပေါင်းရင်းမြစ်များ

Matius 10:38

Séi uman si zéi'kan masaan u salipna wo kumiit ni Aku, ni sia én zéi'kan wangun ing kumiit ni Aku.

Matius 27:32

I ni séra mahlampang mondolé im witi wanua tua'na, a séra masungkul si tou witi Kirene a méyé makangaran Simon. Si tou itii tinutu' nérala i masaan u salip ni Yesus.

Markus 10:21

Taan si Yesus mileka karia u raraatéan wia si tou itii ang kumuama, “Taan, wéwéhampé' un esa un zéi'kampé' winangunmu. Mangémo, ipakawangkéré péléng an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu, mawurimé wia'i wo kumiitomé ni Aku.”

Markus 15:21

In toro niitu a lumangkoi si tou makangaran Simon, tou Kirene, ama' ni Aleksander wo ni Rufus, si witi wanua walina a méyé, taré mahuuntep witu um wanua tua'na. Ni sia én tinutu' nérala i masaan u salip ni Yesus.

Markus 8:34

A si Yesus tumawahmé sé tou lakez wo sé pahtuzu'en-Na, ang kumua wia ni séra, “Séi si paaz kumiit ni Aku, ni sia én zéi'mo mahgenang ung katou-touanna in esa, masaan u salipna wo kumiit ni Aku.

Lukas 14:27

Séi uman si zéi'kan masaan u salipna wo kumiit ni Aku, ni sia én zéi'kan toro maéndo pahtuzu'eng-Ku.

Lukas 23:26

I si Yesus méipahwali nérama, witi lalan ni séra mahilekan karia ni Simon tou Kirene, si witi wanua walina a méyé, mahuuntep witi wanua tua'na. Ni sia é méipekiento' nérala am pasaanan nérala u salip karia i mahkiita si Yesus.

Yohanes 19:17

Si Yesus é nimasaan u salip-Na nimondolé im witi wanua tua'na a mangé witi tampa makangaran Tampa an Tengkora'. Witu u nunuwu'en Ibrani ém pahkuan Golgota.

Yohanes 21:19

Niia é méikua-Na i mapata'u kura si Petrus i maté wo karia in téntu si Opo Empung pahloozen wo pahsigi'en. Makakuala niitu a Sia kumuala wia si Petrus, “Kumiitomé ni Aku.”

Yohanes 21:22

Ang kuan ni Yesus, “Sa sia kapaaz-Ku menou-nou makaz ni Aku i mawurimé sumaup, niitu én zéi'kan urusannu. Taan ni ko, kumiitomé ni Aku.”

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Kolose 1:24

In tarékan, ni aku é mahpaa-paaz i nimazéha pahpaan nimapata'u u Nuwu' Lé'os tumoro si Yesus wia ni kamu wo pahpaan mahpaayang wia si Kristus i lumekep un zéha-Na wia sé jamaat sé tanumokan un awak-Na.

1 Tesalonika 3:3

Karia in téntu, ni kamu én zéi'kan mazéi' i ma'éman wia si Yesus zozo' in zézéha. Ni kamu in esa é mata'umo sa sé tou ma'éman wia si Yesus én tinotozo i mengali an zézéha itii.

2 Timutius 3:12

Ulit im peléng sé tou sé paaz mahragés mengiité u ngaran ni Kristus Yesus é mazézéhan,

1 Petrus 2:21

Ni kamu én tinawah-Namé i mahwangun a lé'os zozo' in zézéha. Pahpaan si Kristus kangkasii é nimazézéhamé pahpaan ni kamu wo timula'umoma ung kékéréan ing kiitan niou.