Matius 16:18 - Taaz Weru Witu u Nunuwu'en Tombulu

¹⁸ Wo ni Aku kangkasii éng kumuama wia ni ko: Ni ko ém Petrus, ung kalakoana ém watu. Witu um wawo um watu kenu ni Aku é rumendai sé jamaat-Ku, wo um patéan zéi'kan mata'u kumawasa niitu.

Matius 16:18 ပူးပေါင်းရင်းမြစ်များ

Matius 10:2

A ngaran né mapulu' wo zua pahtuzu'en-Na itii é: Si kataré é si Simon si pahkuan kangkasii im Petrus wo si Andreas katuarina, si Yakobus wo si Yohanes sé oki' ni Zebedeus,

Matius 11:23

Ni kamu in tou witi Kapernaum, ni kamu é mahgenangla im wénéten ni Opo Empung makaz witi kasendukan? Zéi'kan, ni kamu én itumpa witu naraka. Pahpaan sa a makakompo'en winangun-Ku witi wanua niou ém winangun-Ku witi Sodom, tantumo um wanua tua'na itii ém wiapé' makaz in tarékan.

Matius 18:17

Sa sia soopé' kasii tumalinga sé tou tinawahmumé itii, maipapata'ula niana péléng wia sé jamaat. Sa sia soopé' kasii tumalinga sé jamaat, irékénola sia in tou zéi'kan mata'u si Opo Empung kaapa si tou menanagi am pajak.

Matius 4:18

I si Yesus mahlampang witi tembir u louz Galilea, ileken-Nama sé zua mahtuari, ni séra é si Simon si pahkuan kangkasii im Petrus wo si Andreas katuarina. Ni séra éng karegas i mahlombo' u lolombo' witu u louz, pahpaan ni séra é melolombo'.

Matius 7:24

Kuano kasii ni Yesus, “Séi sé mahtalinga an ipahkua-Ku kenu wo mahwangun niitu, ni séra é masuat wo si tou tulap si rimendai um walé witu un to'tolan watu.

Yohanes 1:42

Si Simon é méipahwalima ni Andreas wia si Yesus. I si Yesus nimileka wia si Simon a Sia kumua, “Ni ko é Simon, oki' ni Yohanes. Ni ko é mangaranan Kefas (Kefas é masuat wo Petrus).”

Kisah Rasul-rasul 2:47

Ni séra é mahlooz si Opo Empung wo ni séra kasii éng kapaaz né tou lakez. Wo sekez in endo ung kalakez né tou méipilot im witu un ukuman wana a singkéla' ém pahawesan ni Opo Empung.

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

1 Korintus 15:55

É patéan, ni ko éng kinalamoma! É patéan, amoitumo u séséhézmu?”

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Efesus 3:10

Wo mengiité sé jamaat, si Opo Empung in tarékan toro mapata'u ang ginenang-Na tumoro péléng ang katulapan-Na wia sé mahperénta wo sé mahkawasa witi kasendukan.

Efesus 5:32

Un tutuzu' taré ikuakuma itii ung kalakoana én totoz susa im pahtata'un né tou, taan ung kalakoan u méikua-Kuma én tumoro um pinasungkulan ni Kristus karia né jamaat-Na.

Kolose 1:18

Ni Sia én ulu wo sé jamaat én awak. Ni Sia si kataré-taré wo ni Sia si puuna méitoumé ni Opo Empung im wia sé nimaté, niitumo ni Sia si ipahpuu-puuna im wana péléng am péléng.

1 Timutius 3:15

wo zozo' ni aku ikauréma, kata'uannumo kura sé tou léwo'zéi' menou-nou i sana awu ni Opo Empung. Sé sana awu ni Opo Empung ém péléng sé jamaat sé anu ni Opo Empung si menou-nou. Sé jamaat kenumo sé nimaéndo to'tolan an tutuzu' ulit ni Opo Empung tanu an tombol wo an to'tolan u nimenté' um walé.

1 Timutius 3:5

Pahpaan sa sia zéi'kan mata'u mahime-imek sé sana awuna karia im wangun, kura sia i mimek sé jamaat ni Opo Empung?

Ibrani 12:28

Niitumo, pahpaan ni kita é nimaéndomo tou ni Opo Empung witi Kakolanoan-Na un zéi'kan mamuali in iéhzo', méyémo kita mapaayo u makasé wo rumagés wia si Opo Empung u mahwangun ni Sia mahpaa-paaz. Ni kita i mahragés wia ni Sia éng karia i mahsigi' wo maindé' ni Sia.

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”

Wahyu 21:14

U ri'riz méiliklik um wanua tua'na itii é méirendai witu u mapulu' wo zua watu to'tolan. Wo wana am wawo am watu to'tolan itii ém pinantikan a ngaran ni esa wo ni esa né mapulu' wo zua aatu ni Anak ni Domba itii.