Matius 15:36 - Taaz Weru Witu u Nunuwu'en Tombulu

³⁶ Tumondong niitu an éndon-Namé u roti pitu wo sé seza' itii, ang kumuama u makasé wia si Opo Empung, am pemété-météngen-Nama an iwéhé-Nama wia sé pahtuzu'en-Na, an isekez nérama wia sé tou lakez itii.

Matius 15:36 ပူးပေါင်းရင်းမြစ်များ

Matius 14:19

A sé tou lakez itii pekirumez-Nala wana an zukut. Éndo-Namé u roti lima wo sé seza' zua itii, Sia lumoho'ma witi langit ang kumuama u makasé wia si Opo Empung. Am pemété-météngen-Nama a roti itii an iwéhéma wia sé pahtuzu'en-Na. Am peméténg nérama wia sé tou lakez.

Matius 15:35

An iatula ni Yesus sé tou lakez itii i rumumezla witu un tana'.

Lukas 22:17

A si Yesus méndomé un eelepan tinahu'an anggor ang kumua u makasé wia si Opo Empung, ang kuan-Na, “Éndona ung kenu wo wéténg nioula.

Lukas 22:19

A Sia méndomé u roti, kumuama u makasé wia si Opo Empung, pemété-météngen-Nala u roti itii, ipahwéhé-Nama wia ni séra, ang kuan-Na, “Ung kenumo un awak-Ku u méiayo wia ni kamu; pahwangunela niia ing gumenang ni Aku.”

Lukas 24:30

I si Yesus rimumezola ing kuman karia néra, Sia méndomé u roti, kumuama u makasé wia si Opo Empung, pemété-météngen-Nala an iwéhé-Nama wia ni séra.

Yohanes 6:11

Tumondong niitu si Yesus méndomé u roti itii ang kumuama u makasé wia si Opo Empung, am peméténg-Nama u roti itii wia sé tou rimumez witu. Téntu kangkasii um winangun-Na wia sé seza' itii wo ni séra kiman makaz nimawesuh.

Yohanes 6:23

Karegas niitu a mawitula um woopira londéi walina am witi Tiberias a méyé. Ni séra méikaayola witi rété un tampa né tou lakez ing kiman u roti tumondongla si Yesus ing kimuama u makasé.

Kisah Rasul-rasul 27:35

Makakuala niitu, a si Paulus méndomé u roti ang kumua u makasé wia si Opo Empung witu u sinaru néra péléng, am peni'a-ni'aunama u roti itii ang kuman.

Roma 14:6

Si tou mahsanapa' un endo esa, ni sia é nimangun niitu i sumigi' si Mahpiara. Séi si mahkan apa uman un toro kanen, ni sia é nimangun niitu i sumigi' si Mahpiara, pahpaan ni sia éng kimua u makasé wia si Opo Empung. Wo si zéi'kan mahkan am wayaan uman, ni sia kangkasii é nimangun niitu i sumigi' si Opo Empung, pahpaan ni sia kangkasii éng kimua u makasé wia si Opo Empung.

1 Korintus 10:31

Niitumo, sa kamu kuman kaapa melep kaapa mangunla am walina, wangunen nioula niana péléng i sumigi' wo lumooz si Opo Empung.

1 Korintus 14:16

Pahpaan, sa si rohmu kumua u makasé wia si Opo Empung karia u nunuwu'en un akaz uman si Roh Lenas si mata'u, un zéi'kan kata'uan ni tou mahtalinga niitu, kura si tou itii toro kumua ‘amin’?