Matius 15:33 - Taaz Weru Witu u Nunuwu'en Tombulu

³³ Ang kuan né pahtuzu'en-Na wia ni Sia, “Kura im wia un tampa zou'mé im wana am wanua kenu wo kita toro makailek roti ung kanen né tou sé téntumokala ung kalakez wo séra mawesuh?”

Matius 15:33 ပူးပေါင်းရင်းမြစ်များ

Matius 14:15

Im wengindomo, a méyé sé pahtuzu'en ni Yesus wia ni Sia ang kumua, “Un tampa kenu én zou'mé im wana am wanua wo mawengimo. Iatumoma sé tou kenu i mangé wana am wanua rété wia'i wo séra toro matumelesé ung kanen néra.”

Matius 15:32

A si Yesus tumawahmé sé pahtuzu'en-Na ang kumuama “Un até-Ku é rumaraaté sé tou lakez kenu. Teluna endomo séra i mengii-ngiit ni Aku wo ni séra én zéi'mo siapa kanen. Ni séra zéi'kan ipekiwuri-Ku karia i maharem, én taa séra ikawesahla witi lalan.”

Matius 15:34

Kuan ni Yesus wia ni séra, “Pira u roti wia ni kamu?” A séra mingkotla, “Ni kai ém wéwéhan u roti pitu wo seza' rintek woopira.”

Markus 6:37

Taan si Yesus nimingkotla, “Ni kamu sé léwo'zéi' i méhé ung kanen néra!” A séra kumuala wia ni Sia, “Apa kai léwo'zéi' i matumeles roti karia un zoit zuana atus dinar i méhé ung kanen néra?”

Lukas 9:13

Taan kuan ni Yesus wia sé pahtuzu'en-Na, “Ni kamu sé léwo'zéi' i méhé un tikohon wia ni séra!” Sé pahtuzu'en-Na mingkotla, “Um wia ni kai én akaz uman u roti lima wo sé seza' zua. Apa ni kai léwo'zéi' matumelesé un tikohon iwéhé wia péléng sé tou kenu?”