Matius 15:32 - Taaz Weru Witu u Nunuwu'en Tombulu

³² A si Yesus tumawahmé sé pahtuzu'en-Na ang kumuama “Un até-Ku é rumaraaté sé tou lakez kenu. Teluna endomo séra i mengii-ngiit ni Aku wo ni séra én zéi'mo siapa kanen. Ni séra zéi'kan ipekiwuri-Ku karia i maharem, én taa séra ikawesahla witi lalan.”

Matius 15:32 ပူးပေါင်းရင်းမြစ်များ

Matius 12:40

Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'.

Matius 14:13

Ing kinatalingaala ni Yesus u nimamuali itii, a Sia mondolé im witu, sumakéma londéi a mangé witi tampa zou'ma im wana am wanua, in tumampas. Taan un angéan ni Yesus éng kinata'uanla né tou lakez, a séra kumiita ung katanaan wana am wanua néra i mahtondonga si Yesus.

Matius 15:33

Ang kuan né pahtuzu'en-Na wia ni Sia, “Kura im wia un tampa zou'mé im wana am wanua kenu wo kita toro makailek roti ung kanen né tou sé téntumokala ung kalakez wo séra mawesuh?”

Matius 20:34

A mawiamé u raraatéan ni Yesus wia ni séra. An irasak-Nama u lengen-Na wana am weren néra zua, in toro niitukan ni séra én toromo mahilek, a séra kumiit si Yesus.

Matius 27:63

ang kuan néra, “Tuang, kinagenangan naila i si tantowo itii i menou-noupé' éng kimua, ‘Kumawusa un teluna endo ni Aku é matou sumaup.’

Matius 9:36

I si Yesus nimileka sé tou lakez i mengii-ngiit uman ni Sia, a méyé u raraatéan-Na wia ni séra, pahpaan ni séra marawoio wo melinga-linganga tanumokan sé domba zéi'kan siapa si memimiara.

Markus 9:22

Wo ni sia é makalakez im pahkéhongena ni sétang itii witu un api kaapa witu un zano i mahwuwunu' ni sia. Taan sa sia toro tulungena ni Méster, tulungené wo iraraaté ndootuumé kai.”

Lukas 7:13

I si Yesus nimileka si wéwéné itii, mawiamé u raraatéan-Na. Ang kuan-Na, “Ina', tia'mo mahamé'!”

Kisah Rasul-rasul 27:33

I maayahmo, a séra péléng enouela ni Paulus ing kuman, kuana, “Mapulu' wo epatna endomo ni kamu zéi'kan nimahkakanla pahpaan i mengento-ngento' apa u mamuali.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.