Matius 15:30 - Taaz Weru Witu u Nunuwu'en Tombulu

³⁰ A sé tou lakez mahto-tondongané i niméyé wia ni Sia, nimahwalimé sé lailai, sé letok, sé kénto', sé wowo' wo lakezpé' kasii sé walina, a séra izeta' nérala witu u sinaru un a'é ni Yesus a séra péléng lé'osen-Nama.

Matius 15:30 ပူးပေါင်းရင်းမြစ်များ

Markus 9:43

Sa u lengenmu kasaru mangunla ni ko i mahsingkéla', ketorenola u lengen itii! Pahpaan, tawimo ni ko menou-nou karia ni Opo Empung karia u lengen pokol kasaru, taan karia u lengen zua méiuntep umana witi naraka, witu un api zéi'kan mahpaté. [

Lukas 14:13

Niitumo, sa ko mangun pésta, sé tou makuanumé i mékuman mahwali-wali kariamu é: sé tou zéi'kan siapa apa, sé tou pokol, sé tou lailai wo sé tou letok.

Kisah Rasul-rasul 2:22

Ang kuan ni Petrus kasii, “É katuari-katuariku tou Israel! Talingana lé'os un ikuakuma kenu: Si Yesus tou Nazaret itii én tinotoz ni Opo Empung. Niitu én toro pa'ileken im wana a makakompo'en wo an zéi'mo kakuaan wo an tumuzu'mé ung kawasa ni Opo Empung. Niana péléng ém winangun ni Opo Empung wia ni kamu mengiité si Yesus, tanu ung kata'uan niou.