Matius 15:28 - Taaz Weru Witu u Nunuwu'en Tombulu

²⁸ Ang kuan ni Yesus wia ni sia, “É ina', um pa'émanennu én totoz wangko', niitumo in tarékan é mamualimoma tanu un ikapaazmu.” In toro niitukan, si kooki' ni wéwéné itii é nimalé'osoma.

Matius 15:28 ပူးပေါင်းရင်းမြစ်များ

Matius 14:31

A si Yesus rengan i mayola u lengen-Na an tumioné si Petrus, ang kuan-Na, “É tou zéi'kan tahlous ma'éman, kaa ko mahzua-zua genang?”

Matius 15:27

A mingkotla si wéwéné itii wia si Yesus, “Ulit Tuang, taan sé asu witu u lalem u méja kangkasii é mahkan a mahragosé im witu u méja pahkanan ni makaasu.”

Matius 8:10

Kaitalingamé u méikuamé ni tonaas né suraro itii, si Yesus é mengusi-ngusingsing ang kumuama wia sé tou mahkii-kiit ni Sia, “Uli-ulit ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu.

Matius 8:13

A si Yesus kumuama wia si tonaas né suraro itii, “Mawurimoma wo mamualila wia ni ko tanu um pa'émanennu.” In toro niitukan, si ata ni tonaas né suraro itii é rengan i nimalé'osa.

Matius 9:22

Taan si Yesus luméngéma muri wia si wéwéné itii ang kuan-Na, “É oki'-Ku, enté'ela un atému! Um pa'émanennu u limé'os ni ko.” In toro niitukan si wéwéné itii é lé'oso.

Markus 5:34

Ang kuan-Na wia si wéwéné itii, “É oki'-Ku, um pa'émanennu u limé'os ni ko. Mangémo karia ung kaluasan witu un até, ni ko én uli-ulit lé'oso!”

Lukas 17:5

Ang kuan né aatu-Na wia si Tuang, “Enté'en ndootuumé um pa'émanen nai!”

Lukas 7:50

Taan kuan ni Yesus wia si wéwéné itii, “Um pa'émanennu u nimilot ni ko im witu u siningkéla'mu, mangémo karia ung kaluasan witu un até!”

Lukas 7:9

In timalingamé u méikuamé ni tonaas né suraro itii, si Yesus é mengusi-ngusingsing pahpaan um pa'émanen ni tonaas né suraro itii én totoz wangko'. A si Yesus sumarula wia sé tou lakez sé kimiité ni Sia, ang kuan-Na, “Ikua-Kuma wia ni kamu, im wia sé tou Israel, ni Aku én zéi'kampé' nimahile-ilekla um pa'émanen tanu ung kawangko' um pa'émanen ni zéi'kan tou Israel kenu!”

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,