Matius 15:27 - Taaz Weru Witu u Nunuwu'en Tombulu

²⁷ A mingkotla si wéwéné itii wia si Yesus, “Ulit Tuang, taan sé asu witu u lalem u méja kangkasii é mahkan a mahragosé im witu u méja pahkanan ni makaasu.”

Matius 15:27 ပူးပေါင်းရင်းမြစ်များ

Matius 15:26

Taan si Yesus nimingkotla, “Zéi'kan wangun i méndomé u roti un iwéhé wia sé koki' wo ilombo'ma wia sé asu.”

Matius 15:28

Ang kuan ni Yesus wia ni sia, “É ina', um pa'émanennu én totoz wangko', niitumo in tarékan é mamualimoma tanu un ikapaazmu.” In toro niitukan, si kooki' ni wéwéné itii é nimalé'osoma.

Matius 5:45

Pahpaan karia in téntu, ni kamu é nimaéndomola oki' ni Ama' niou si witi kasendukan, si mahserité u sena' ni endo wia sé tou lé'os wo wia sé tou léwo', wo mahtumpamé un uzan wia sé tou ulit witu u sinaru-Na wo wia sé tou zéi'kan ulit witu u sinaru-Na.

Matius 8:8

Taan kuan ni tonaas né suraro itii wia si Yesus, “Tuang, tia'mo mangé witi waléku, pahpaan ni aku én zéi'kan wangun i sumungkul si Tuang witi waléku. Taan numuwu'moma, si ataku itii é malé'os.

Markus 7:28

Taan si ina' itii é nimingkoté, “Ulit, Tuang. Taan si asu si witu u lalem u méja kangkasii é mahkan an teza an ipahgogomé né koki'.”

Lukas 16:21

Pahpaan si Lazarus én totozo maharem, si paazo ing kuman ang kakanen mahgogomé witu u méja ni tou wa'ilan itii. Karegas niitu sé asu é mémahsila' ang kupesna.

Lukas 18:13

Taan si menanagi am pajak itii é rimendai zou'ma oki', wo lumouspé'tarémé niitu ni sia é maindé' i lumoho' witi langit, karia i mahpéhos um wezwezna pahpaan i mene'sel wo mahkua: ‘O Opo Empung, iraraaté ndootuumé ni aku si memua-muali a singkéla' kenu.’

Roma 10:12

Sé tou Yahudi wo sé tou zéi'kan Yahudi é masuat uman. Pahpaan, si Mahpiara én esa uman, si Mahpiara én anu né tou péléng. Wo ni Sia é meripu' umané i méhémé ung kamang malake-lakez wia péléng sé tou mekisawang wia ni Sia.

Roma 3:19

Kata'uanta péléng a méipantik witu un ukum Torat é méiwéhé wia sé tou sé mahkiit un ukum Torat. Karia in téntu péléng a sumah é mapenes wo péléng sé wia ang kaayahan é maukumen ni Opo Empung.

Roma 3:29

Si Opo Empung én zéi'kan uman Opo Empung né tou Yahudi. Ni Sia kangkasii én Opo Empung né tahsasana wanua walina.

Roma 3:4

Zéi'kan! Si Opo Empung é mangun péléng a méitaaz-Na zozo' péléng sé tou én tantowo. Pahpaan witu um Pinantik Lenas é méipantik: “Péléng a Nuwu'-Mu é mémoikatuzu'mé in ulit, wo sa ni Ko im pahtotozen ulit kaapa zéi'kan am pahwangunen, ni Ko é nimuntung.”

Efesus 3:19

Wo ni kamu kasii toro mendan u raraatéan itii u limangkoi péléng ang kata'uan né tou. Ni aku mengaléi, wo ni kamu malekep wana péléng am péléng tanu si Opo Empung.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.