Matius 15:14 - Taaz Weru Witu u Nunuwu'en Tombulu

¹⁴ Iwayamola sé sana réwok tou Farisi itii. Ni séra é masuat wo si tou letok mengahkit si tou letok. Sa si tou letok mengahkit si tou letok, ni séra zua én ikatahu' witu um woso.”

Matius 15:14 ပူးပေါင်းရင်းမြစ်များ

Lukas 6:39

A si Yesus kumua kasii un aandéan walina wia ni séra, “Toro wé si tou letok mahkit kangkasii si letok? Zéi'kankuaa maikatahu' witu um woso séra zua?

Yohanes 9:39

Ang kuan ni Yesus, “Ni Aku niméyé wia ung kaayahan kenu in tumotoz in ulit kaapa zéi'kan am pahwangunen né tou, wo séi uman si zéi'kan mahilek én toro mahilek, wo séi uman si toro mahilek é maletok.”

1 Timutius 6:5

mahsingku-singkutan zéi'kan siapa zéi'na, ung genang ni tou itii é nimakazo wo zéi'mo ulit. Ni sia mahgenangla i mawa'ilan pahpaan mahragés wia si Opo Empung.

2 Petrus 2:1

Rengané im puuna ém wéwéhano sé nabi towo kimaria sé tou ni Opo Empung. Téntu kangkasii in tumondong im wia ni kamu ém wéwéhan sé méster towo. Ni séra é matumuzu' an tutuzu' zéi'kan ulit, u mahlululu uman sé tou makaz sé tou é maikaléwo'. Lumousé niitu ni séra é mahkélong i si Yesus Kristus é si mahkawasa si timubus ni séra. Niitu u nimangun ni séra i rewek léwo'en.

2 Petrus 2:17

Sé méster towo itii én zéi'kan siapa torona, tanu ung kembu'an nimaperamo, tanu u semu nimazéi'ma pahpaan i méiwalima u reges repet. Ni séra é niimekano ni Opo Empung un ukuman in iuntep witu ung karimbengbengan un totoz rimbengbeng.

Wahyu 19:20

A si binatang makaindé'en karia si nabi towo itii kationala. Si nabi towo itii é si nimahwangunola a makakompo'en witu u sinaru ni binatang itii karia ung kawasa méiwéhénamé. Karia a makakompo'en itii, méipahlulunamé sé tou nimakaileko un tanda ni binatang itii wo nimahongkot wo nimahsigi'mola si patongna. Si binatang makaindé'en wo si nabi towo itii é menou-noupé' an ilombo'ma witu un tasik api wo walélang melaya-layas.

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.