Matius 14:36 - Taaz Weru Witu u Nunuwu'en Tombulu

³⁶ Ni séra é mahaléi wia si Yesus in énéané zozo' uman i sumahiza witu u rawisna ung karai tonton-Na. Péléng sé tou simahiza u rawisna ung karai tonton-Na é nimalé'os.

Matius 14:36 ပူးပေါင်းရင်းမြစ်များ

Matius 14:35

I si Yesus kinana'uanola né tou witu, a Sia ipahwoka' nérama wana péléng an tampa witi tana' itii. Péléng sé tou saki é méipahwalimé wia ni Sia.

Matius 23:5

Péléng am paayangen am pahwangunen néra én akaz uman in ipapailek wia sé tou. Un tali pemamakén i mengaléi ém winangun nérala malempa-lempaz wo a rumbaina ung karai tonton néra é linambo-lambo'.

Markus 3:10

Pahpaan lakezo sé tou liné'os-Na, niitumo péléng sé tou saki é mahsésé'sé'an i mahtition wia ni Sia.

Markus 6:56

Wisa uman un angéané ni Yesus, wana am wanua, wana am wanua tua'na kaapa wana am wanua oki', sé tou saki én ipahzeta' néramé wana am pasar a mahaléi wia si Yesus, wo sé tou saki itii toro kiitané zozo' i sumahiz umana u rawisna ung karai tonton-Na. Péléng sé tou simahiza ung karai tonton ni Yesus é nimalé'os.

Markus 8:22

Tumondong niitu, si Yesus karia né pahtuzu'en-Na méikaayola witi Betsaida. A sé tou mahwalima si tou letok wia si Yesus. Ni séra mahaléi wia si Yesus in tumiona wia si tou itii wo sia malé'os.

Lukas 6:19

Péléng sé tou lakez itii é mahtututu' in tumiona wia ni Sia, pahpaan wia ni Sia ém wéwéhan ung kawasa u mahondolé i lumé'os ni séra péléng.

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.

Yohanes 7:23

In tarékan sa si tou toro sunaten im witu un endo Sabat, wo ni kamu zéi'kan mahsaru un ukum ni Musa, kaa kamu maupi' i ni Aku limé'osa u saki witu péléng un awak ni tou im witu un endo Sabat?

Kisah Rasul-rasul 3:16

In tarékan, pahpaan si tou kata'uan niou wo pengile-ngileken niou kenu ma'éman witu u ngaran ni Yesus, niitumo u Ngaran itii nimangun ni sia nimaenté'. Wo um pa'émanenna itii u nimangun ni sia nimalé'os witu u sinaru niou péléng.