Matius 14:31 - Taaz Weru Witu u Nunuwu'en Tombulu

³¹ A si Yesus rengan i mayola u lengen-Na an tumioné si Petrus, ang kuan-Na, “É tou zéi'kan tahlous ma'éman, kaa ko mahzua-zua genang?”

Matius 14:31 ပူးပေါင်းရင်းမြစ်များ

Matius 14:30

Taan im pahpendanenala u reges repet é mahtoromé ni sia, a sia maindé' am pahkatenema, ang kumérét, “Tuang, tulungené ni aku!”

Matius 14:32

A séra sumakéla witu u londéi ang kumana'la u reges itii.

Matius 16:8

Kata'uan ni Yesus um pahsiritan néra, a Sia kumuala, “É kamu in tou zéi'kan tahlous ma'éman! Kaa kamu maza'i uman taré tumoro un zéi'kan nimahalimé roti?

Matius 17:20

Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Matius 6:30

Niitumo, sa an zukut witi kapelasan an tumoumé in tarékan wo i sando én ziketano ém pahimeken ni Opo Empung, zéi'kankuaa si Opo Empung é mimek ni kamu lumouspé'mé niitu, é kamu sé zéi'kan tahlous ma'éman?

Matius 8:26

Taan kuan ni Yesus wia ni séra, “É kamu sé zéi'kan tahlous ma'éman, kaa kamu maindé'?” A si Yesus rumendaié a rekaken-Nama u reges wo u sempa' itii. A mapenesa u louz itii.

Markus 1:31

Si Yesus mangé wia si mahnuang wéwéné ni Simon itii, wo karia in timionla u lengenna, sia sawangan-Namé i méitoozé. In toro niitukan a mazéi'ma um pasu'na, a sia masumelewir ni séra.

Markus 1:41

A mawiamé u raraatéan ni Yesus wia si tou itii. Ni Sia nimayola u lengen-Na an tumiona wia si tou itii ang kumua, “Ni Aku ém paaz, malé'osoma.”

Markus 11:23

Uli-ulit ikua-Kuma wia ni kamu: Séi uman si kumuama witu ung kentur kenu, ‘Mawutwutomé wo ikaweritoma witi tasik!’ Sa sia zéi'kan mahzua-zua genang wo ma'éman u méikuanama itii é mamuali, niitu én uli-ulit mamuali.

Markus 16:7

Niitumo in tarékan mangémo, maikuala wia sé pahtuzu'en-Na, wo wia si Petrus in téntii, ‘Ni Sia é nimapuunamoma i nimangé witi Galilea. Im wana ni kamu é milek ni Sia tanu u mémoikua-Na wia ni kamu.’ ”

Markus 4:40

A si Yesus kumuala wia sé pahtuzu'en-Na, “Kaa kamu maindé'? Kaa kamu zéi'kan ma'éman?”

Markus 5:41

An tionala ni Yesus u lengen ni kooki' itii, a Sia numuwu'ma, “Talita kum” ung kalakoana, “É kooki', ikua-Kuma wia ni ko, tumoozomé!”

Lukas 24:34

A séra kumua, “Totoz ulit si Yesus si Mahpiara nimatoumomé sumaup wo ni Sia é nimapaileko un tou-Na wia si Simon.”

Kisah Rasul-rasul 4:30

Iayomé u lengen-Mu i lumé'os sé tou saki wo ipapaileké a makakompo'en wo an zéi'kan kakuaan mengiité u ngaran ni Yesus, si Ata-Mu Lenas.”

1 Timutius 2:8

Niitumo kapaazku sé tuama wisa uman ni séra i mengaléi, u lengen é méiayat karia un até weresi, zéi'kan maupi' wo zéi'kan siapa pahéndo-éndoan.

1 Petrus 1:5

Péléng niitu én iwéhé wia ni kamu sé penaté-natéren karia ung kawasa ni Opo Empung pahpaan ma'éman wia ni Sia. Ni Sia é menaté-natér ni kamu, akaz ni kamu ipilot im witu un ukuman wana a singkéla'. Niitu é niimek-Na wia ni kamu witu ung kaakazan ung kaayahan.