Matius 14:29 - Taaz Weru Witu u Nunuwu'en Tombulu

²⁹ Ang kuan ni Yesus wia ni sia, “Méyémo!” A si Petrus tumumpamé im witu u londéi a lumampang witu um wawo un zano mangé wia si Yesus.

Matius 14:29 ပူးပေါင်းရင်းမြစ်များ

Matius 14:28

Ang kuan ni Petrus wia ni Sia, “Tuang, sa uli-ulit ni Ko, tawahena ni aku i mangé wia ni Ko lumampang witu um wawo un zano.”

Matius 14:30

Taan im pahpendanenala u reges repet é mahtoromé ni sia, a sia maindé' am pahkatenema, ang kumérét, “Tuang, tulungené ni aku!”

Matius 17:20

Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Matius 21:21

A mingkotla si Yesus wia ni séra, “Uli-ulit ikua-Kuma wia ni kamu, sa kamu ma'éman wo zéi'kan mahzua-zua genang, ni kamu én zéi'kan uman toro mangun tanu um winangun-Kuma witu ung kai ara itii, taan ni kamu kangkasii én toro kumuama witu ung kentur kenu, ‘Mawutwuta wo ikalombo'ma witi tasik!’ niitu é mamuali.

Markus 9:23

A si Yesus mingkotla, “Kaa kuanu sa Aku én toro? Péléng am péléng én toro mamuali im wia sé tou ma'éman!”

Lukas 17:6

A si Tuang mingkotla, “Sa ni kamu wéwéhan um pa'émanen tanu um watuna tatanemen totoz rintek, ni kamu toro kumua ung kai ara kenu, ‘masawuté wo maikatanemé witi tasik.’ Ung kai ara itii éng kumiit u méikua nioua.”

Kisah Rasul-rasul 3:16

In tarékan, pahpaan si tou kata'uan niou wo pengile-ngileken niou kenu ma'éman witu u ngaran ni Yesus, niitumo u Ngaran itii nimangun ni sia nimaenté'. Wo um pa'émanenna itii u nimangun ni sia nimalé'os witu u sinaru niou péléng.

Roma 4:19

Zozo' ing kata'uannamo sa un touna éng katu'anamo pahpaan ung katou-touanna é sana atus ta'uno wo si Sara kangkasii ém pesel, taan um pa'émanenna én zéi'kan mahina'ma.

Filipi 4:13

Péléng am péléng én toro pengalingku pahpaan si Yesus Kristus si mahwéhémé ung ketez wia ni aku.