Matius 14:19 - Taaz Weru Witu u Nunuwu'en Tombulu

¹⁹ A sé tou lakez itii pekirumez-Nala wana an zukut. Éndo-Namé u roti lima wo sé seza' zua itii, Sia lumoho'ma witi langit ang kumuama u makasé wia si Opo Empung. Am pemété-météngen-Nama a roti itii an iwéhéma wia sé pahtuzu'en-Na. Am peméténg nérama wia sé tou lakez.

Matius 14:19 ပူးပေါင်းရင်းမြစ်များ

Matius 14:18

Ang kuan ni Yesus, “Pahaliné niitu wia ni Aku.”

Markus 6:39

A sé tou lakez itii pekirumez-Nala tahsasana réwok wana an zukut.

Markus 6:41

Kumawusa niitu si Yesus méndomé a roti lima wo sé seza' zua, a Sia lumoho'ma witi langit ang kumuama u makasé wia si Opo Empung, am pemété-météngen-Nama a roti itii an iwéhé-Nama wia sé pahtuzu'en-Na in iwéténg néra wia sé tou. Téntu kangkasii sé seza' zua itii é méipeméténg-Nama wia ni séra péléng.

Markus 7:34

Kumawusa niitu, karia i limoho'ma witi langit, si Yesus masenga selah ang kumua wia si tou itii, “Efata!”, ung kalakoana: “Mawukamoma!”

Lukas 22:17

A si Yesus méndomé un eelepan tinahu'an anggor ang kumua u makasé wia si Opo Empung, ang kuan-Na, “Éndona ung kenu wo wéténg nioula.

Lukas 22:19

A Sia méndomé u roti, kumuama u makasé wia si Opo Empung, pemété-météngen-Nala u roti itii, ipahwéhé-Nama wia ni séra, ang kuan-Na, “Ung kenumo un awak-Ku u méiayo wia ni kamu; pahwangunela niia ing gumenang ni Aku.”

Lukas 24:30

I si Yesus rimumezola ing kuman karia néra, Sia méndomé u roti, kumuama u makasé wia si Opo Empung, pemété-météngen-Nala an iwéhé-Nama wia ni séra.

Lukas 9:14

Pahpaan im witu ém wéwéhan woo limana riwu tou sé tuama. Ang kuan ni Yesus wia sé pahtuzu'en-Na, “Pekirumezla séra tahsasana réwok, sé sana réwok ém woo limana pulu' tou.”

Lukas 9:16

Tumondong niitu, si Yesus méndomé u roti lima wo sé seza' zua. A Sia lumoho'ma witi langit, kumuama u makasé wia si Opo Empung. Am pemété-météngen-Nama a roti wo sé seza', iwéhé-Nama wia sé pahtuzu'en-Na in iwéténga wia sé tou lakez itii.

Yohanes 11:41

An isoro' nérama um watu itii. A si Yesus lumoho'ma witi langit wo mahkua, “Ama', ni Aku mapaayoma u makasé wia ni Ko, pahpaan ni Ko én timalingamo ni Aku.

Yohanes 6:23

Karegas niitu a mawitula um woopira londéi walina am witi Tiberias a méyé. Ni séra méikaayola witi rété un tampa né tou lakez ing kiman u roti tumondongla si Yesus ing kimuama u makasé.

Kisah Rasul-rasul 27:35

Makakuala niitu, a si Paulus méndomé u roti ang kumua u makasé wia si Opo Empung witu u sinaru néra péléng, am peni'a-ni'aunama u roti itii ang kuman.

Roma 14:6

Si tou mahsanapa' un endo esa, ni sia é nimangun niitu i sumigi' si Mahpiara. Séi si mahkan apa uman un toro kanen, ni sia é nimangun niitu i sumigi' si Mahpiara, pahpaan ni sia éng kimua u makasé wia si Opo Empung. Wo si zéi'kan mahkan am wayaan uman, ni sia kangkasii é nimangun niitu i sumigi' si Opo Empung, pahpaan ni sia kangkasii éng kimua u makasé wia si Opo Empung.

1 Korintus 10:16

Im witu um perjamuan, ni kita é melep un anggor witu um pengengelepan wo kita kumua u makasé wia si Opo Empung, ung kalakoan niitu, ni kita é nimaesa karia ni Kristus witu un zaha'-Na. Wo i ni kita meni'a-ni'aula u roti ing kuman mahwali-wali, ung kalakoan niitu ni kita é nimaesamo witu un awak ni Kristus.

1 Korintus 10:31

Niitumo, sa kamu kuman kaapa melep kaapa mangunla am walina, wangunen nioula niana péléng i sumigi' wo lumooz si Opo Empung.

1 Korintus 11:24

a Sia kumuama u makasé wia si Opo Empung. Tumondong niitu, pemété-météngen-Nala u roti ang kuan-Na, “Ung kenumo un awak-Ku u méiayo wia ni kamu; pahwangunela niia ing gumenang ni Aku!”

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.