Matius 13:52 - Taaz Weru Witu u Nunuwu'en Tombulu

⁵² Ang kuan ni Yesus wia ni séra, “Niitumo, péléng sé tou tulap un Torat sé timalingamo an tutuzu' tumoro ung Kakolanoan ni Opo Empung én tanu si makawalé si nimondolé péléng a sangkum werupé' wo an urémo im wana am pahtu'tulan a sangkumna.”

Matius 13:52 ပူးပေါင်းရင်းမြစ်များ

Matius 12:35

Si tou lé'os é mahnuwu'mé am wangun a mahondolé im witu un aténa. Taan si tou léwo' é mahnuwu'mé a léwo' a mah- ondol kangkasiimé witu un aténa.

Matius 13:51

A si Yesus meligau wia sé pahtuzu'en-Na, “Katulapan nioukan péléng an aandéan méipahtuzu'-Kuma wia ni kamu?” A sé pahtuzu'en-Na mingkotla, “Éné Méster, katulapan naimo.”

Matius 13:53

Makasiritala an aandéan itii, a si Yesus tumula'umé un tampa itii.

Matius 23:34

Niitumo, ilekena! Ni Aku nimatumomé wia ni kamu sé nabi, sé tou lintas wo sé tou tulap un Torat. Sé woopira im wia ni séra ém wunu'en niou wo salipen niou, wo sé walina kasii é saluken niou wana am walé peraragésan niou in tou Yahudi wo pahkikiiten niou im witu um wanua tua'na esa makaz wana am wanua tua'na walina in zézéhan.

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Lukas 11:49

Niitumo, totoz tulap si Opo Empung ing kimua, ‘Iatu-Ku sé nabi wo sé aatu-Ku i mangé wia sé tou Israel. Taan im wia sé nabi wo wia sé aatu-Ku, wéwéhan sé mazézéhan néra wo wéwéhan sé winunu' néra.’

Yohanes 13:34

Ni Aku é méhéma um perénta weru wia ni kamu: Mahraa-raatéanla si esa wo si esa, tanu ni Aku i rumaraaté ni kamu téntu kangkasii ni kamu é léwo'zéi' i mahraa-raatéan.

2 Korintus 6:10

Ni kai sekezé é mahpaa-paaz zozo' i rumara un até. Ni kai én zéi'kan siapa apa, taan nimangun sé tou lakez nimawa'ilan. Ni kai ém pahileken in zéi'kan siapa apa, taan péléng am péléng ém wia ni kai.

Efesus 3:4

Um pinantik kenu im baca nioua én toro kata'uan niou ung kinatulapangkumola u méikawunipé' tumoro si Kristus,

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Kolose 1:7

Si Epafras si kapaayang totoz ikararaaté nai, ni sia si timuzu' niana péléng wia ni kamu. Im wia ni kamu, ni sia én ata ni Yesus Kristus si toro pa'émanen.

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

1 Timutius 3:6

Zéi'kan toro si tonaas né jamaat é si tou taré ma'émanla wia si Opo Empung, én taa sia mawera' a makailek un ukuman tanu u nimamuali wia si tonaas né sétang im puuna.

Titus 1:9

uli-ulit mahkiit an tutuzu' kaulitan. Karia in téntu ni sia é makawawa i mahsésa karia an tutuzu' mengiité ang kaulitan wo makawawa i mangun sé tou sé mahsasaru uman an tutuzu' kaulitan, i ma'éman an tutuzu' itii.