Matius 13:47 - Taaz Weru Witu u Nunuwu'en Tombulu

⁴⁷ Ang kuan kasii ni Yesus wia sé pahtuzu'en-Na, “Téntu kangkasii ung Kakolanoan ni Opo Empung én tanu u lolombo' tua'na méilombo'ma né melolombo' witi tasik, an ikaéndomé sé seza' nimahwali-walinaan.

Matius 13:47 ပူးပေါင်းရင်းမြစ်များ

Matius 13:44

Ang kuan kasii ni Yesus, “Ung Kakolanoan ni Opo Empung én tanu a sangkum u méiwuni witi uma, ung kinailekané ni tou a maiwuninamé sumaup. Pahpaan u mahpaa-paazna, a maipakawangkérnamé a sangkumna, a sia tumelesla un uma itii.

Matius 13:46

Ing kinailekannamola u mutiara totoz wangun wo mahal itii, am pakawangkérnamé péléng a sangkumna an itelesla u mutiara itii.”

Matius 13:48

Im wutamo né seza' u lolombo' itii, ang kéhongené né tou méitembiré. Rumumezla séra am pahtampas néramé sé seza' wangun witu un tampayang wo sé seza' zéi'kan wangun ém pahtia'ma.

Matius 4:19

Ang kuan ni Yesus wia ni séra, “Méyémo, kumiitomé ni Aku, ni kamu ém wanguneng-Ku mahpenéro tou ing kumiit ni Aku.”

Markus 1:17

A séra tawahené ni Yesus, “Méyémo, kumiitomé ni Aku! Ni kamu ém wanguneng-Ku mahpenéro tou ing kumiit ni Aku.”

Lukas 5:10

Téntu kangkasii sé kakaria ni Simon, si Yakobus wo si Yohanes, sé oki' ni Zebedeus. Ang kuan ni Yesus wia si Simon, “Tia'mo maindé', rengan in tarékan ni ko é mamenéromo sé tou ing kumiit ni Aku.”

Yohanes 15:2

Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

Kisah Rasul-rasul 20:30

Lumousé niitu, im wia ni kamu ém wéwéhan sé woopira tou sé mahtuzu' an tutuzu' zéi'kan ulit. Ni séra é mahtututu' i mahlululu sé tou ma'émano ing kumiit ni séra.

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

2 Korintus 11:26

Im wana am pahlampangangku ni aku é makalakez masungkul un toro mangun ni aku ikaléwo' wana a lewuh, ikaléwo' pahpaan sé mahkahat an anu né tou, ikaléwo' pahpaan sé tou Yahudi wo sé tou zéi'kan Yahudi, ikaléwo' wana am wanua tua'na, ikaléwo' wana ang kapelasan, ikaléwo' witi unez un tasik, wo kasii ikaléwo' pahpaan sé tou sé mahkua ing katuari esa pa'émanen wia si Opo Empung taan ndéén zéi'kan.

Galatia 2:4

Un tumoro si Titus zéi'kan sinunat é méikakuamé pahpaan im witu ém wéwéhan sé mahkua-kua ma'éman wia si Yesus, taan un ulitna ni séra én towo, ni séra mahtututu' wo si Titus é sunaten. Ni séra é mahwuni-wuni i nimuntepé kimariala ni kai sé uli-ulit ma'émano si Kristus. Ni séra nimangunla an téntu wo séra toro mahilek apa um pahwangunenta i ni kita zéi'mo mahkiit un ukum Torat pahpaan nimaesa karia ni Kristus Yesus. Ni séra é mahtututu' wo kita ikakiit sumaup i mahwangun un ukum Torat. Sa kita ikakiitla, ni kita én tanu pahata-atan un ukum Torat itii.

Wahyu 3:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Sardis in téntii, ‘Kenumo a Nuwu'-Na, si makaanu sé pitu Roh ni Opo Empung wo timion sé pitu tototi'en. Kata'uang-Ku péléng am pinaayang niouo. Ni kamu ém pahkuan i menou-nou taan ndéén nimatémo.