Matius 13:43 - Taaz Weru Witu u Nunuwu'en Tombulu

⁴³ In toro niitumo, sé tou niéndo ulit ni Opo Empung é sumena' tanu si endo witi Kakolanoan ni Ama' néra. Séi si wéwéhan lunteng é mahtalingama lé'os!”

Matius 13:43 ပူးပေါင်းရင်းမြစ်များ

Matius 11:15

Séi si wéwéhan lunteng é mahtalingama lé'os!

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Matius 25:36

I ni Aku zéi'kan kimarai, ni Aku winéhan nioula karaien. I ni Aku saki, ni Aku é maniilek nioué. I ni Aku méiuntep witu um bui, ni Aku é maniilek nioué.’

Matius 26:29

Taan, ikua-Kuma wia ni kamu, ni Aku én zéi'mo mahele-elepla un anggor kenu, makaz witu un endo ni Aku i melep un anggor weru karia niou witi Kakolanoan ni Ama'-Ku.”

Markus 4:23

Séi si wéwéhan lunteng i mahtalinga é mahtalingama lé'os!”

Lukas 12:32

Ni kamu én toyo' uman! Taan zozo'pé' in téntu, ni kamu én tia'mo maindé'. Pahpaan si Ama' niou si witi kasendukan é mahpaa-paaz i ni kamu nimaéndomo tou witi Kakolanoan-Na.

Lukas 22:29

Niitumo ni kamu ém wéhang-Ku ung kakolanoan tanu si Ama'-Ku niméhé ung kakolanoan wia ni Aku.

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?