Matius 13:36 - Taaz Weru Witu u Nunuwu'en Tombulu

³⁶ Kumawusa niitu, an itula'umé ni Yesus sé tou lakez itii a mawurima witi walé. A méyé sé pahtuzu'en-Na ang kumuama, “Méster, ikuamé wia ni kai ung kalakoan un aandéan tumoro un tatanemen tanu ang gandum witi uma itii.”

Matius 13:36 ပူးပေါင်းရင်းမြစ်များ

Matius 13:1

In endo itii, mondolé si Yesus witu um walé itii a marumumez witi tembir u louz.

Matius 13:11

A si Yesus mingkotla, “Im wia ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia ni séra én zéi'kan.

Matius 13:18

Ang kuan kasii ni Yesus, “Niitumo, talingana ung kalakoan un aandéan tumoro si mengengeroz itii.

Matius 13:25

Taan i sana wengi, im péléng sé tou nimatekel, a méyé si kakoro' ni mengengeroz itii, ang kumeroza an tatanemen tanu ang gandum witu ung kinerozan am watuna ang gandum, a sia mangé.

Matius 14:22

Tumondong niitu, si Yesus rengan nimatuma sé pahtuzu'en-Na i sumakéma witu u londéi mapuunama i lumeweta. Karegas niitu, sé tou lakez ém pahatu-Nama i mawuri.

Matius 15:39

A sé tou lakez itii ipekiwurima ni Yesus. Ni Sia sumakéma londéi a mangé witi tana' Magadan.

Matius 9:28

I si Yesus nimuntepoma witu um walé esa, sé tou letok itii niméyé wia ni Sia. Ang kuan ni Yesus wia ni séra, “Pa'émanen niou i ni Aku én toro lumé'os ni kamu?” A séra mingkotla, “Éné, ni kai ma'éman, Tuang.”

Markus 4:34

wo sa zéi'kan karia un aandéan, ni Sia zéi'kan mahtuzu' wia ni séra. Taan wia sé pahtuzu'en-Na, pahpakaulit-Na i mahtuzu'.

Markus 6:45

Tumondong niitu, si Yesus rengan nimatuma sé pahtuzu'en-Na i sumakéma witu u londéi i mapuunama lumewet witi Betsaida, karegas niitu sé tou lakez ém pahatu-Nama i mawuri.

Markus 7:17

I si Yesus wo sé pahtuzu'en-Na timula'umé sé tou lakez a muntepa witu um walé, sé pahtuzu'en-Na é meligau wia ni Sia tumoro ung kalakoan un aandéan méikua-Namé itii.

Markus 8:9

Ung kalakez né tou kiman in toro niitu ém woo epatna riwu tou. A séra péléng ipekiwurima ni Yesus.