Matius 13:31 - Taaz Weru Witu u Nunuwu'en Tombulu

³¹ An isirita kasiila ni Yesus un aandéan walina wia ni séra. Kuan-Na, “Ung Kakolanoan ni Opo Empung én tanu am watuna tatanemen totoz rintek, a niéndoma ni tou a maikerozé witi umana.

Matius 13:31 ပူးပေါင်းရင်းမြစ်များ

Matius 13:24

A si Yesus kumua un aandéan walina kasii wia ni séra, kuan-Na, “Ung Kakolanoan ni Opo Empung én tanu si tou kimeroz am watuna tatanemen wangun witi umana.

Matius 17:20

Ang kuan-Na wia ni séra, “Pahpaan ni kamu én zéi'kan uli-ulit ma'éman. Uli-ulit ikua-Kuma wia ni kamu: Sa kamu uli-ulit ma'éman zozo' um pa'émanen niou itii én tanu uman katua'na um watuna totoz rintek wia ung kaayahan, ni kamu én toro kumuama ung kentur kenuma in téntii, ‘Mérama witi kenuma!’ Ung kentur itii én ikaéra witi kenuma wo zéi'kan siapa an zéi'kan mamuali wia ni kamu. [

Lukas 17:6

A si Tuang mingkotla, “Sa ni kamu wéwéhan um pa'émanen tanu um watuna tatanemen totoz rintek, ni kamu toro kumua ung kai ara kenu, ‘masawuté wo maikatanemé witi tasik.’ Ung kai ara itii éng kumiit u méikua nioua.”

Lukas 19:11

Karegaspé' sé tou mahtalinga an ipahkua ni Yesus, a Sia sumirita karia un aandéan pahpaan ni Sia é merétémoma u Yerusalem wo witu ung genang né tou ni séra é mamomilek ung Kakolanoan ni Opo Empung.

Lukas 20:9

A si Yesus kumua un aandéan wia sé tou lakez, kuan-Na, “Wéwéhan si tou nimukama un uma an tanemannama anggor an ipekiwendunama un uma itii wia sé mememendu a sia suméngkota woopirana ta'un.