Matius 13:30 - Taaz Weru Witu u Nunuwu'en Tombulu

³⁰ Iwayamola ang gandum wo an tatanemen tanu ang gandum itii in tumoumé mahwali-wali makaz i maupu'en. Sa orasnamo i mupu', ni aku éng kumua in téntii wia sé mahupu': Réwokempé'mé an tatanemen tanu ang gandum wo pemule-mulesala in ziketan. Tumondong, réwokené ang gandum itii wo maitu'tula witi penunu'tulan ang gandum.’ ”

Matius 13:30 ပူးပေါင်းရင်းမြစ်များ

Matius 13:25

Taan i sana wengi, im péléng sé tou nimatekel, a méyé si kakoro' ni mengengeroz itii, ang kumeroza an tatanemen tanu ang gandum witu ung kinerozan am watuna ang gandum, a sia mangé.

Matius 13:29

Taan si makauma é nimingkotla, ‘Tia'mo, pahpaan sa an tatanemen tanu ang gandum itii sawuten nioué, ang gandum kangkasii én ikakiité i masawuté.

Matius 25:32

Péléng sé tahsasana wanua é réwoken witu u sinaru-Na wo patampasen-Na sé tou maéndo zuana réwok, tanu si mahtéiz sé domba in timampas sé domba im wia sé kambing.

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 3:12

Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken-Na witi pelélé'osan ang gandum, taan péléng am pesel é la'ungen-Na witu un api zéi'kan mahpaté.”

Lukas 3:17

Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken witi pelélé'osan ang gandum-Na, taan péléng am pesel é la'ungen-Na witu un api zéi'kan mahpaté.”

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

1 Korintus 4:5

Niitumo, ni kamu én tia'mo mahtotoz si tou simala' kaapa zéi'kan, niitu én zéi'kampé' orasna. Un orasna é si Mahpiara i mawurimé sumaup. In toro niitu, péléng an ipahwuni-wuni wana ang karimbengbengan én ipapailek-Na. Ituzu'-Na péléng ang ginenang ni tou. Tumondong niitu si esa wo si esa é loozen ni Opo Empung mengiité am pinahwanguna.

1 Timutius 5:24

A singkéla' né woopira tou én totozo kaile-ilekan puunala in tinotoz ulit kaapa zéi'kan am pinahwangun néramé. Taan a singkéla' né tou walina éng kata'uanokala i ni séra tinotozola.