Matius 13:24 - Taaz Weru Witu u Nunuwu'en Tombulu

²⁴ A si Yesus kumua un aandéan walina kasii wia ni séra, kuan-Na, “Ung Kakolanoan ni Opo Empung én tanu si tou kimeroz am watuna tatanemen wangun witi umana.

Matius 13:24 ပူးပေါင်းရင်းမြစ်များ

Matius 13:19

Am watuna tatanemen méikagogo witi tembir u lalan é masuat wo sé tou timalingamo u Nuwu' tumoro ung Kakolanoan ni Opo Empung, taan ni séra én zéi'kan makatulap niitu, a méyé si tonaas né sétang kimahata u Nuwu' itii witu un até néra.

Matius 13:25

Taan i sana wengi, im péléng sé tou nimatekel, a méyé si kakoro' ni mengengeroz itii, ang kumeroza an tatanemen tanu ang gandum witu ung kinerozan am watuna ang gandum, a sia mangé.

Matius 13:31

An isirita kasiila ni Yesus un aandéan walina wia ni séra. Kuan-Na, “Ung Kakolanoan ni Opo Empung én tanu am watuna tatanemen totoz rintek, a niéndoma ni tou a maikerozé witi umana.

Matius 13:33

An isirita-Na kasiila un aandéan kenu wia ni séra. Kuan-Na, “Ung Kakolanoan ni Opo Empung én tanu u ragi niéndoma ni wéwéné an isembora witu un topong epatna pulu' liter makaz péléng niitu riméisé.”

Matius 13:37

Ang kuan ni Yesus wia ni séra, “Si tou kimeroz am watuna tatanemen wangun é si Oki' ni Tou.

Matius 13:47

Ang kuan kasii ni Yesus wia sé pahtuzu'en-Na, “Téntu kangkasii ung Kakolanoan ni Opo Empung én tanu u lolombo' tua'na méilombo'ma né melolombo' witi tasik, an ikaéndomé sé seza' nimahwali-walinaan.

Matius 18:23

Pahpaan tumoro ung Kakolanoan ni Opo Empung én tanu si kolano si niméyé i mémahrérékénan karia né atana.

Matius 20:1

Ang kuan ni Yesus, “Ung Kakolanoan ni Opo Empung én tanu si tou makauma tinaneman anggor, si woondopé' karengan nimondoloma mamenéro tou i mamendu un umana.

Matius 21:33

“Talingana un aandéan walina kenu. Wéwéhan si makauma nimukama un uma an tanemannama anggor a réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma itii. An ipekiwendunama un umana itii wia sé mememendu, a sia suméngkota.

Matius 22:2

“Ung Kakolanoan ni Opo Empung én tanu si kolano mangun um pésta kawéng ni tarétumouna.

Matius 25:1

Kuan ni Yesus, “In toro niitu, ung Kakolanoan ni Opo Empung én tanu sé raraha mapulu' mahali-ali a solo i masumungkul si brédégom.

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Lukas 13:18

Ang kuan ni Yesus, “Kura iandé-Ku ung Kakolanoan ni Opo Empung? Iandé-Ku karia un apa?

Lukas 13:20

Ang kuan ni Yesus kasii, “Iandé-Ku karia un apa ung Kakolanoan ni Opo Empung?

Kolose 1:5

Ni kamu é ma'éman wo rumaraaté, pahpaan ni kamu é mahéré'la u niimeko ni Opo Empung wia ni kamu witi kasendukan. Um pahéré'an itii én tinalinga niouo witu u Nuwu' kaulitan, niitumo u Nuwu' Lé'os tumoro si Yesus,

1 Petrus 1:23

Pahpaan niitumo, ni kamu nimakailekola ung katou-touan weru. Ung katou-touan weru itii én zéi'kan wia si tou si toro uman maté a méyé, taan witu u Nuwu' ni Opo Empung um pa'émanenta a méyé. U Nuwu' itii é menou-nou wo memia-mia makaz ing kauré-uré.