Matius 13:17 - Taaz Weru Witu u Nunuwu'en Tombulu

¹⁷ Uli-ulit ikua-Kuma wia ni kamu, ‘Lakez sé nabi wo sé tou niéndo ulit ni Opo Empung paaz milek a niilek niou in tarékan, taan zéi'kan nimilek niitu wo kasii paaz tumalinga an tinalinga niou, taan zéi'kan timalinga niitu.’ ”

Matius 13:17 ပူးပေါင်းရင်းမြစ်များ

Lukas 10:23

Kumawusa niitu, si Yesus merena wia sé pahtuzu'en-Na a numuwu' wia ni séra uman, kuan-Na, “Ni kamu é mahpaa-paazola, pahpaan am pina'ilek niou in tarékan.

Lukas 10:24

Pahpaan im puuna é lakez sé nabi wo sé kolano paaz milek a niilek niou in tarékan, taan zéi'kan nimilek niitu. Ni séra kasii ém paaz in tumalinga an tinalinga niou in tarékan, taan zéi'kan timalinga niitu.”

Yohanes 8:56

Si Abraham si nimaopo niou én totoz mahpaa-paaz i ni sia mamilek un endo i ni Aku méyé. Ni sia é nimileko ni Aku i niméyé wo ni sia én totoz mahpaa-paaz.”

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.